Pse shqiptarët çmenden pas Benz-it? Gazetari gjerman realizon foto-reportazhin që jep përgjigje

1064
0

Gazeta e njohur gjermane FAZ ka përgatitur një foto-reportazh nga rrugët e Shqipërisë, ku dominojnë makinat Mercedes.
Autori i shkrimet është David Klaubert, që synon të gjejë rrënjët e kësaj dashurie për makinën Mercedes, transmeton “Mapo”.

Mënyra se si e ngasin makinën në Shqipëri është ashtu siç e kisha imagjinuar: Fast and furious, shpejt dhe egërsisht”.

Gjëja e dytë që të bie në sy është dashuria e shqiptarëve për Gjermaninë. Shenjat e kësaj dashurie bien në sy kudo në Tiranë: Hotel Jurgeni, firma “Deutschcolor”, Mobilje Gjermane, lokal “St. Pauli”. Madje një polic më tregon në celular foton e të bijës gjatë botërorit, e veshur me ngjyrat e flamurit gjerman”.

Gjëja e tretë që të bie në sy është dashuria për yllin me tre cepa. Mercedes-at janë kudo në rrugë, që nga furgonat e deri tek makinat e varrimit. Kaq shumë njerëz që fitojnë në Shqipëri dhe që duan të bien në sy nuk mund të ketë. Por këtu Benz-i është si Volkswagen. Si dreqin ndodh kjo?”

Në fillim të viteve ’90, pas rënies së komunizmit, makinat nisën të vijnë në vend. Markat europiane si Fiat, Peugeot, Opel. Por nuk u rezistonin shumë rrugëve me gropa në Shqipëri. Të vetmet që mbijetonin në rrugë ishin makinat Mercedes-Benz”.

Sipas gazetarit, ndarja e tregut është e tillë sa 70 përqind e makinave janë Mercedes.

Por vitet e fundit kanë nisur të hyjnë ndjeshëm në treg marka të tjera.

Megjithatë dashuria për makinat Mercedes vazhdon. Kjo për shkak se edhe një mekanik fshati e njeh mirë këtë makinë. Pjesët e këmbimit janë të lira, më të lira se markat e tjera.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.