“Do të largohem përfundimisht nga Shqipëria nëse fiton sërish Erion Veliaj”. Ky është premtimi publik që bën shkrimtari Rudi Erebara.
I ftuar në Fax News, Erebara paralajmëroi se në rast se kryetari aktual i bashkisë Tiranë, Erion Veliaj, fiton edhe një tjetër mandat në krye të kryeqytetit, atëherë ai do të largohet përgjithmonë nga Shqipëria.
‘Mjetet janë të paqarta, njerëzit janë në padurim. Në rast se larg qoftë, fiton Erion Veliaj Bashkinë e Tiranës, të nesërmen në mëngjes unë pres biletën dhe iki në Itali.
Sepse ne e kemi provuar diktaturën, që disa njerëz vranë mijëra të tjerë. 34 mijë u burgosën, etj.
Këta njerëz janë gjallë. Ish-ministri i 2 prillit mbajti 1 minutë heshtje, e bija e Azem Hajdarit ka dalë kundër partisë së babait të vet. Ka rënë sistemi, kanë rënë edhe ndërkombëtarët’, u shpreh ndër të tjera Rudi Erebara.
Erion Veliaj u rikonfirmua si kandidat i mazhorancës për zgjedhjet e ardhshme lokale gjatë kongresit të PS-së, i zhvilluar më 23 mars në Tiranë.
