Disa të shtëna me armë kanë terrorizuar qytetin e Lezhës, ditën e sotme.
Por, ka qenë policia e këtij qyteti, e cila është detyruar që të qëllojë në ajër për të shmangur përshkallëzimin e një konflikti mes dy personave.
Ka qenë një polic patrulle, i cili për të shuar konfliktin është detyruar që të qëllojë dy herë në ajër me armë.
Ndërsa në ndihmë të tij kanë shkuar forca të shumta policie, të cilët kanë bërë të mundur arrestimin e personave që ishin përfshirë në sherr.
Pas arrestimit të tyre, policia ka nisur hetimet për të zbuluar shkaqet e përplasjes që çuan deri në konfrontim fizik mes tyre.
Në videon e publikuar nga Oranews, duken blutë e Lezhës, që shoqërojnë dy personat e arrestuar.
