Kanë shkuar që në moshë të vogël në Itali, ndërkohë sot janë kuzhinierët të njohur në shtetin fqinj dhe në Europë. Nuk gatuajnë vetëm ushqim italian, por përpiqen të ruajnë traditën në një vend të huaj.
Mediat italiane kohët e fundit i kanë kushtuar një artikull të gjatë kuzhinierëve shqiptarë në Itali, të cilët emigruan me familjen apo vetëm në shtetin fqinj, për një jetë më të mirë. Artikulli nënvizon se “Ekziston një komunitet i madh që ka ardhur nga Tirana dhe zonat përreth, të cilët merren me kuzhinën. Këtu janë kuzhinierët shqiptarë që punojnë për ne”.
E para që përmendet në listën e gjatë të profesionistëve shqiptarë në kuzhinë është Entiana Osmenzeza.
Entiana Osmenzeza
“Shumë si Entiana Osmenzeza, arritën në Itali ende të mitur.” “Në Shqipëri kam studiuar” tregon ajo “nëse do të ishim mirë atje nuk do të kishim lëvizur, por vite më parë një luftë shpërtheu në vendin tonë dhe ishte e pamundur të ndërtonim një të ardhme atje. Pas rënies së regjimit komunist, situata u komplikua së tepërmi, kur isha 16 vjeçe arrita në Itali. ”
Fundim Gjepali
Fundim Gjepali : Në vitin 1996, në moshën 14-vjeçare ai arriti pranë kunatit të tij në afërsi të Romës, ku punonte në një fermë. Fillon punë si pjatalarës, por shumë shpejt kalon në kuzhinë.
Mario Peqini
Mario Peqini i cili arriti në Milano 13 vjeç, fiton të drejtën për provuar në kuzhinë, në vendin e Aimo dhe Nadia. Sot është në Tosca, një restorant italian në Zvicër.
Irdi Keci arriti në Itali në moshën 12 vjeçare, sot Iirdi është stacionuar afër Imola-s, ku ka hapur restorantin e tij.
Veri Shaqja erdhi në Itali në moshën 17 vjeçare. Trajnimin e fillon në Shqipëri, në shtëpinë e tij me pilaf dhe supë. Për herë të parë ai punon në Piemonte, në një restorant për gatime deti dhe pastaj “zbulon” kuzhinën lokale.
Bleri Dervishi
Vetëm 4 vjeç, Bleri Dervishi kalon Adriatikun me prindërit e tij. Dëshira e tij për kuzhinën dhe hotelerinë ka lindur në Itali. Sot ai është shef ekzekutiv i “Relais Monaci i Terre Nere” në Zafferana Etnea.
Sokol Ndreko
Sokol Ndreko mbërrin në Itali në moshën 17 vjeçare, duke kaluar nga Greqia për në Itali. Më parë ai punon si një ndërtues. Pastaj shkon në Versilia në një restorant familjar dhe kjo ishte si një shkëndijë për të nisur kuzhinën.
Sokol Aliaj
Sokol Aliaj, tani zëvendës shef në Tårnet në Parlamentin danez, arrin në Itali në moshën 10 vjeçare. Ndjek një kurs hotelerie në Chianciano Terme, kaloi dy sezone në Certosa me Paolo Lopriore dhe pastaj në restorante të tjera në Siena.
Lexoni të plotë artikullin këtu
Osman Dedja/SCAN
0
20