Ditët e nxehta të qershorit, Presidenti i Republikës Ilir Meta ka vendosur t’i kalojë në bregdet, larg zhurmës politike të Tiranës.
Pasditen e sotme, Kreu i Shtetit është filmuar duke luajtur me top në plazh, në zonën e Gjirit të Lalzit.
Në video Presidenti Meta shfaqet i relaksuar, ndërsa nuk e ka problem edhe privatësinë, pasi vendi ku ka zgjedhur të qëndrojë është i mbushur me pushues.
Kujtojmë që me 104 vota pro Kuvendi i Shqipërisë shkarkoi nga detyra Presidentin e Republikës Ilir Meta, për shkelje të rënda të Kushtetutës pas propozimit të 39 deputetëve të maxhorancës dhe një raporti nga një komision i posaçëm.
Vendimi i Parlamentit për ta shkarkuar i ka kaluar edhe Gjykatës Kushtetuese, që do të vendosë për fatin e tij në krye të institucionit të Presidentit.