Nuk e deklaroi shumën e parave, marokeni kapet mat në Rinas me mijëra euro

2
0

Një maroken ka tentuar të hyjë në Shqipëri pa e deklaruar shumën që kishte më vete. Policia njofton se në momentin e kontrollit atij iu gjetën 13,915 euro. 

Sipas njoftimit të policisë 47-vjeccari banonte në Belgjikë dhe ai pritet të ndiqet penalisht për “Mosdeklarimi i të hollave dhe i sendeve me vlerë në kufi”.

Njoftimi i policisë

Nuk deklaroi shumën e parave në kufi, procedohet penalisht një shtetas maroken.

Sekuestrohen 13915 euro të padeklaruara.

Shërbimet e Policisë Kufitare Rinas në bashkëpunim me autoritetet doganore, në vijim të kontrolleve për goditjen e paligjshmërisë, bazuar në analizën e riskut dhe kontrolleve me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, shtetasin M. B., 47 vjeç, lindur në Marok dhe banues në Belgjikë.

Gjatë kontrollit të ushtruar iu gjetën e sekuestruan në cilësinë e provës materiale 13915 euro, të cilat ky shtetas nuk i kishte deklaruar.

Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Tiranë, u procedua penalisht shtetasi M. B., 47 vjeç, banues në Belgjikë, për veprën penale “Mosdeklarimi i të hollave dhe i sendeve me vlerë në kufi”.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.