Parashikimi i motit për 24 orët e ardhshme në Shqipëri
Sipas sinoptikanes Tanja Porja, në vijim të 24 orëve të ardhshme, moti përmirësohet ndjeshëm në zonat jugore dhe qëndrore të vendit, ndërsa veriu do të vijojë të përjetojë reshje shiu, veçanërisht gjatë mbrëmjes së sotme, natës dhe paraditës së nesërme përcjell shqiptari.net.
Reshjet do të jenë kryesisht të karakterit afatshkurtër dhe të lokalizuara në veri dhe veriperëndim. Pjesa tjetër e vendit do të përjetojë reshje të pakta dhe të izoluara.
Temperaturat do të pësojnë luhatje të lehta. Gjatë mëngjesit pritet një rënie e lehtë termike në zonat veriore, ndërsa temperaturat e mesditës mbeten të pandryshuara, me maksimumin që arrin deri në 28°C në shkallë vendi. Era do të fryjë me intensitet mesatar nga drejtimi jugor, e qëndrueshme gjatë gjithë ditës së nesërme.
Situata sipas rajoneve:
- Veriu: Vranësira të dendura dhe reshje të herëpashershme, kryesisht në formën e rrebesheve në veriun dhe veriperëndimin ekstrem.
- Qendra dhe verilindja: Reshje më të pakta, me kthjellime të herëpashershme.
- Jugu: Paraditja sjell mot të kthjellët dhe me vranësira kalimtare, pa reshje.
Temperaturat minimale:
- Veriu dhe verilindja: Rënie e lehtë, me minimumet që zbresin deri në 6-7°C.
- Shtrirja perëndimore dhe bregdeti: Vlera mes 13-16°C.
Temperaturat maksimale:
- Zonat malore: Deri në 22°C.
- Qendra dhe bregdeti: 26-28°C.
Parashikimi për 5 ditët në vijim:
- E premte: Kryesisht pa reshje, përjashtuar reshje të lehta dhe të izoluara në veri.
- E shtunë: Reshje të lehta në veri dhe qendër.
- E diel: Reshje të lokalizuara kryesisht në jug dhe juglindje.
- Java e ardhshme: Mot i kthjellët me vranësira kalimtare, pa reshje të pritshme.
Ecuria termike:
- E premte: Rritje e lehtë e temperaturave, me maksimumin që arrin deri në 29°C.
- Fundjava: Rënie e lehtë e temperaturave në mëngjes dhe në mesditë.
- Fillimi i javës tjetër: Rritje e temperaturave; minimumet mbi 15°C dhe maksimumet rreth 29°C.