Pas dy ditësh ku mbizotëroi një mot me reshje shiu herë pas herë edhe në formën e rrebeshe dhe po ashtu më në fund zonat malore u mbuluan nga petku i bardhë i dëborës, sot kemi një përmirësim të kushteve atmosferike.
Dita e sotme ka nisur me një mot të kthjellët edhe pse temperaturat minimale do të shkojnë deri në -3 gradë celcius, nga -1 që ishin ditën e djeshme.
Po ashtu nuk do të mungojë as dielli i cili do të bëjë që temperaturat maksimale të pësojnë një rritje të lehtë.
Në zonat malore edhe ditën e sotme në orët e pasdites pritet të ketë reshje të dobtë shiu dhe dëbore, ndërsa pritet që të intensifikohen ditën e enjte.
Deri më tani në zonat që janë mbuluar nga bora nuk raportohet për probleme në qarkullim apo në furnizimin me energji elektrike