Luke Perry, Dylani i famshëm i ‘Beverly Hills 90210’, aktori i serive kult të viteve 90-të ka vdekur sot pasdite në Los Angeles, raporton Daily Mail. Prej të enjtes së shkuar aktori ishte shtruar në spital pas një hemorragjie cerebrale të rëndë që i mori jetën në moshën 52 vjeç.
Ai ishte babai i dy fëmijëve, djalit Jack 21-vjeç dhe vajzës Sophie 18 vjeç të cilët i kishte me ish gruan e tij Rachel Sharp. Aktori ka luajtur një sërë rolesh në filma të ndryshëm por njihet si ylli i serialeve “Beverly Hills 90210” dhe “Riverdale”.
