Meteorologia Lajda Porja ka zbuluar si do jetë moti për sot dhe nesër ndërsa ka zbuluar dhe kur do të vijë zyrtarisht dimri dhe kur ‘temperaturat e larta’ do mbërthejnë vendin.
Për fundjavën, ajo u shpreh se do të shoqerohet me kthjellime. Temperaturat do të jenë të ulëta në mëngjes por do vijnë në rritje gjatë ditës.
“Ka pasur përmirësim të ndjeshëm që nga dita e djeshme. E gjithë fundjava parashikohet të jetë me kthjellime, me shumë pak vranësira në zonat malore. Në mëngjes ka pasur rënie të ndjeshme të temperaturave. Sot dhe nesër temperaturat maksimale do te kete rritje. Mëngjesi do të jetë i fothtë por pas orë 10 deri në orën 3 do të ketë rritje temperaturash”, tha Porja.
Sa i takon javës që vjen dhe festave të Nëntorit, Lajda Porja tha se moti do të ndryshojë duke filluar nga e hëna, e cila do të sjellë reshje. Reshjet do të intensifikohen në mesjavë e në vijim.
“Kjo situatë është vetëm gjatë fundjavës. Java që vjen do të sjellë vranësira. Shirat do të jene lokal të hënë dhe të martë, ndërs anë mesjavë do të kemi shtim të reshieve. Parashikohet që java tjetër do të ketë reshje. Javën tjetër do të kemi ndryshim total të motit krahasuar me fundjaven.
Vranësira, reshje dhe temperetura të larta. Festat e nëntorit? Së pari do të thoja se është shpejt të bëjmë parashikim saktësisht për datat 28-29. K a gjasa që të ketë reshje. Sa i përket temperaturave mbeten ne vlerat jo më shumë se 21 gradë. Shirat do të jenë shumë të pranishme në javën e fundit të nëntorit. Uroj të ketë reshje të bollshme që të plotësohen kuotata”, tha ajo.
E pyetur për stinën e dimrit në përgjithësi, Porja deklaroi se viti 2021 do të mbyllet i ngrohtë krahasuar me temperaturat normale, duke shtuar se dimrin e vërtetë do të ndjejmë në janar ose shkurt.
“Parashikohet që ky vit të mbyllet si vit i nxehtë. Presim dhjetor me temperatura më të larta se temperaturat normale. Nuk do të mungojnë ditët me acar. Parashikohet që edhe dhjetori të jetë më i ngorhtë. 2021 do të mbylelt si vit i nxehtë. Dimrin do ta përjetojmë në jaanar ose ne shkurt”, deklaroi ajo.
