“Mos shkoni as në Durrës e Sarandë”/ Gazetari i njohur habit: Mos u nisni për pushime në Greqi nëse s’keni bërë..

899
0

Përpara një muaji, disa nga ishujt më të njohur të Greqisë deklaruan se ishin “Covid Free”, të çliruar nga koronavirusi, nga rastet e reja. E kështu ata do të ishin një destinacion i sigurt për të gjithë pushuesit që do i zgjidhnin të kalonin disa ditë relaksi.

Por sot që flasim nuk mund të themi të njëjtin gjë, pasi në Mykonos është rikthyer lockdown i parë lokal, ndërsa ishujt e tjerë janë futur në zonën portokalli të rrezikut, shumë pranë kufizimeve. E gjithë kjo situatë po ndodh në kulmin e sezonit turistik. Ka shumë njerëz që kanë pronotuar në këto ishuj, e shumë të tjerë që janë nisur për atje.

Këto kufizime mbetën shumë problem edhe për qytetarët shqiptarë që zgjedhin Greqinë si një ndër destinacionet e preferuara, në sezonin veror. Çfarë thonë autoritetet për këtë gjendje?  

Kësaj pyetje i është përgjigjur gazetari i njohur, Artur Bibe, gjatë një lidhje të drejtpërdrejtë me emisionin “Wake Up” në Top Channel.

“Ka qenë një politikë e qeverisë greke, e cila tentoi që me një dozë të vasinës të mbulonte pothuajse të gjithë banorët dhe punonjësit në ishujt kryesore të vendit. Ajo që nuk ka shkuar mirë duket se është fluksi i shfrenuar, festat e shfrenuara që kanë ndodhur në këto ishuj, që kanë përhapur në mënyrë të frikshme Covid. Varianti Delta i tremb të gjithë ata që nuk janë vasinuar ende dhe ka rritur pasigurinë. Kështu që në ishujt grekë ky është varianti më i përhapur, e si pasojë qeveria ka hapur kambanat e alarmit”, tha Bibe.

Ndërsa duke folur në lidhje me pushuesit shqiptarë që dëshirojnë të relaksohen në Greqi, gazetari i njohur tha se ata që e kanë bërë ate mund të vazhdojnë normalisht. Por ai tha se nëse ata nuk e kanë bërë, të kthehen e të qëndrojnë në shtëpitë e tyre.

“Ata që kanë bërë vak sinën të vazhdojnë normalisht, Greqia është një destinacion shumë mikpritës, të nisën, të vijnë dhe të argëtohen e të kënaqen në Greqi. Ka çmime shumë të mira, paketa shumë të mira, plazhet janë fantastike dhe natyrisht atmosfera dhe mirëpritja greke dihet tashmë.

Ata që nuk janë va ksinuar më mirë është që të mos nisen. Nga momenti që të gjitha organizmat shtetërore, të gjitha qeveritë thonë të vaks inohemi, u bëjmë edhe ne thirrje njerëzve të vak sinohen. Është e vetmja zgjidhje që të paktën nëse infektohemi ta kalojmë sa më butë sëmundjen. Nuk është koha për të bërë trimin, nuk është koha për të hedhur teori konspiracionesh. Është momenti për të shpëtuar jetët tona dhe të atyre që na rrethojnë. Kështu që një person që nuk do më mirë të rrijë në shtëpi, se sa në atë që ai tenton ta quaj trimëri, do sëmurë të tjerët e do vdesin. Kështu që njerëzit e dashur që kemi është që të mos i sëmurim.

Ata që janë të va ksinuar të vijnë në Greqi, te tjeret të kthehen në shtëpitë e tyre. As në Durrës mos të shkojnë, as në Sarandë. Mos të sëmurin të tjerët”, u shpreh gazetari Bibe.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.