Eshte shtyre data e hapjes së kufijve për qytetarët e shteteve që nuk janë pjesë e Bashkimit Europian. Kështu, shqiptarët mund të udhëtojnë drejt vendeve të BE-së vetem pas datës 30 qershor.
Vendimi u mor në nje takim virtual mes ministrave të brendshëm të Bashkimit Europian, të cilët unanimisht vendosën për këtë datë.
“Një zgjatje e afatit të kufizimeve për udhëtimet në kufijtë e jashtëm të Bashkimit Europian është propozuar deri në fund të qershorit. Kjo bëhet për të mundësuar një hapje graduale të kufijve të jashtëm.
Ne kemi rënë dakord që hapja e kufijve duhet të bëhet në mënyrë të koordinuar, jo diskriminuese dhe proporcionale mbi bazën e disa kritereve. Kriteret do të përcaktohen nga qëndra europiane e parandalimin dhe kontrollin e sëmnudjeve (ECDC) “, tha Terezija Gras, sekretare e shtetit kroat.
Komisionerja europiane për punët e brendshme, Ilva Johanson, tha se Komisioni Eurooian do të punojë ndërkohë me shtetet anëtare për përcaktimin e kritereve mbi bazën e të cilave do rihapen kufijë e jashtëm të Bashkimit Europian. Ekzekutivi europian pritet të prezantojë rekomandimet pêr kriteret javën e ardhshme .
“Shumica e shteteve anëtare mbështetën një shtyrje të afatit për hapjen e kufijve të jashtëm me dy javë. Kjo u mbështet nga shumë ministra të Brendshëm. Gjithashtu ata mbështetën një qasje të koordinuar për hapjen e kufijve të jashtëm, si edhe përcaktimin e kritereve të qarta. Kishte disa mospërputhje lidhur pikërisht me kriteret që duam të ndjekim. Ne do të vazhdojmë diskutimet me shtetet anëtare para se të propozojmë udhëzimet e Komisioni Europian për hapjen e kufijve të jashtëm“, u shpreh ajo.
Lidhur me kufijtë e brendshëm tê zonës Shengen, shumica e shteteve janë shprehur në favor të hapjes së tyre në 15 qershor dhe disa shtete anëtare në fund të qershorit.
