Fundjava që kaloi kishte një mot të kthjellët në të shumtën e kohës dhe temperaturat ishin relativisht të ngrohta.
Me siguri të gjithë keni menduar se erdhi pranvera dhe se shiun e ngricat i lamë pas.
Mirëpo me sa duket nuk është kështu. Kjo pasi në orët e pas mesnatës do të ketë vranësira dhe në pjesën më të madhe të vendit edhe një shi i lehtë.
Me kalimin e orëve intensiteti i shiut pritet të rritet ndërsa në veri të vendit do të arrijë intensitet mesatar.
Po ashtu në veri-lindje të vendit pritet të ketë reshje dëbore.
Në bregdet temperaturat pritet të arrijnë 9-12 gradë.
Në vendet e ulëta 7-11 dhe 3-8 gradë në vendet malore.
Prandaj që prej ditës së nesërme duhet t’i mbani çadrat me vete.
