Një tjetër sherr mes të rinjve ka degraduar në përdorimin e armëve të ftohta ku ka mbetur i plagosur një 17-vjeçar.
Ngjarja e rëndë ndodhi në shkollën “Mustafa Hoxha” në Cakran, ku mbeti i palgosur 17-vjeçari Yldai Xhafaj, ndërsa autori B.D u arrestua nga policia.
Edhe njëherë shkak i sherrit ka qenë disa postime në rrjetet sociale, çka ka bërë që fillimisht të rinjt të konfliktohen me fjalë e më pas të arrijnë në përdorimin earmëve të ftohta.
Lidhur me ngjarjen ka folur për mediat edhe 17-vjeçari i plagopsur, i cili ka thënë se gjithçka nisi pas disa fotove të publikuara nga ana e autorit në rrjetet sociale, të cilat i përkisnin familjes së tij dhe shokëve.
“Sherri filloi për disa foto që po shpërndaheshin në rrjetet sociale, ishin fotot e mia dhe të shokëve të mi. Ky konflikt kishte nisur që para një muaji dhe ne kishim njoftuar oficerët e shkollës. Sot në mëngjes ndodhi që ai më qëlloi. Më gjuajti katër herë në shpatull, ndërsa profesoresha erdhi dhe na ndau. Ndihem i rrezikuar dhe kërkoj vetëm drejtësi,” tha Xhafaj.
Ndërkohë lidhur me ngjarjen ka folur edhe babai i 17-vjeçarit të plagosur, Vasil Xhafaj, i cili kërkoi të bëhet drejtësi. Ai tha se duhet një reagim i fortë shtetëror, pasi situata ëhstë mjaft e rëndë.
“Jam nisur së bashku me çunin nga shtëpia nga ora 8. Unë për në punë, djali për në shkollë. Pa shkuar akoma në punë më njoftoi mësuesja dhe tha se djali është goditur pak djali. Urgjentisht shkoj te urgjenca e Cakranit, atje vura duart në kokë. Asgjë nuk mora vesh si ndodhi ngjarja, më shumë dini ju se unë. Dua drejtësi në vend. I kërkoj Edi Ramës mos të kërkoj llogari vetëm në Tiranë,por edhe në Cakran. Se sot është djali im, nesër është një tjetër. Nuk do e çoj më në shkollë. Nuk ka më siguri, jo vetëm këtu, por edhe në Fier“, tha babai i djalit të plagosur.
Kujtojmë që vetëm pak javë më parë një 14-vjeçar u vra me thikë në afërsi të shkollës “Fan Noli” në Tiranë nga një bashkëmoshatar.
Pas kësaj ngjarjeje kryeministri Edi Rama ka nisur një konsultim në të gjithë Shqipërinë me nxënës, mësues dhe prindërt për mbylljen e disa prej rrjeteve sociale.
