Dy ditë pasi forcat e shpëtimit gjetën trupin e 2-vjeçarit Julen në një pus në Spanjë, shënohet një tjetër ngjarje e rende.
Një 45-vjeçar humbi jetën jo shumë larg vendit ku u gjet vogëlushi.
Ai kishte dalë shëtitje me qenin e tij, por nuk u kthye në shtëpi.
Policia mendon se fillimisht ka rënë qeni në pus dhe ai tentoi të shpëtonte kafshën, por ra edhe vetë.
Të dy u gjetën pajetë.
Në Spanjë janë mbi 1 milion puse ilegale.
Në rastin e vogëlushit Julen, pyetja që duhet të sqarohet është se kush e mban përgjegjësinë.
Hetuesit kanë marrë në pyetje pronarin e tokës ku gjendej pusi, një i afërm i familjes së Julenit, por edhe personin që ka shpuar pusin.
Të dy rrezikojnë deri në 4 vite burg.
Gjatë hetimeve, ata ia kanë hedhur fajin njëri-tjetrit.
Autoritetet e kanë mbuluar pusin për të parandaluar të tjera aksidente.
