Dy persona raportohet të kenë humbur jeten dhe tre të tjerë janë plagosur si pasojë e të shtënave në Paskuqan
Ngjarja u regjistrua mesditën e sotme, ku mësohet se ish dhëndri ka qëlluar ndaj familjarëve të ish-gruas.
Burime nga vendi i ngjarjes, thonë se si pasojë e të shtënave raportohet edhe për të vdekur.
Policia ka identifikuar autorin e dyshuar të ngjarjes së rëndë në Paskuqan, ku ish-dhëndri shkoi në shtëpinë e ish-gruas dhe qëlloi me armë duke vrarë dy persona dhe plagosur tre të tjerë.
Ai është Ramazan Kuta, ndërkohë Policia ka ngritur pika kontrolli për arrestimin e tij.
Paraprakisht, dyshohet se ish-dhëndri ka hyrë brenda banesës dhe i ka qëlluar me breshëri kallashnikovi.
Alketa Hysa, 36 vjeçe, ish-bashkëshortja e Ramazan Kutës një nga viktimat e ngjarjes së rëndë që ndodhi sot në kryeqytet.
Plumbat e kallashnikovit të Ramazanit i kanë marrë jetën edhe Etleva Kurtit, motra e Alketës.
Ramazani dhe Alketa ishin ndarë prej disa kohësh për shkak të konflikteve me njëri-tjetrin. Ata ishin prindër të dy djemve që jetojnë në Gjermani.