Lutemi të gjejë forcën! “I bukuri i mamit, kukullat e mamit…”, nëna fatkeqe që humbi 3 fëmijët (foto)

800
0

Ajo ende nuk e di gjëmën që i ka ndodhur, por i madh dhe i vogël është sot me nënen e re, 37-vjeçaren Evis Preka, e cila humbi tre fëmijët e mitur dhe bashkëshortin në një aksident tragjik që ndodhi mbrëmjen e së dielës së shkuar në aksin rrugor Shkodër-Velipojë.

Si pasojë e përplasjes fatale të automjetit ku udhëtonte familja Preka me një tjetër mjet, humbën jetën Edmond Preka, vajza e tij 5-vjeçare dhe i biri 9 muajsh. Dje u nda nga jeta edhe vajza 10-vjeçare e çiftit, Noemi.

Në aksident Evis Preka mbeti e plagosur, e tani gjendja e saj është jashtë rrezikut për jetën.

Por fatkeqësisht drama e kësaj familje nuk përfundon këtu.

37-vjeçarja ende nuk është në dije që ka humbur të gjithë familjen e saj në aksident.

Që ka humbur të bukurin e dheut, siç e quante ajo të birin Rajanin. I ishte për te: “Rayan Preka eshte realizimi i cdo endrre te jetes tone”. Dhe kukullat e saj, siç i thërriste zemra e kësaj nëne dy vajzat e saj.

Kush do t’i thotë Evisit që ëngjejt e saj me të cilët krenohej edhe në rrjete sociale nuk do të mund t’i ketë më në krahët e saj?

Dhimbja është e madhe, e të afërmit në rrjete sociale po kujtojnë viktimat duke ndarë imazhe nga momentet e tyre më të lumtura. Siç ka qenë edhe darka e 14 shkurtit, ku mesa duket nga fotot kjo familje fatkeqe e ka festuar e gjitha sëbashku, sikur të ishte e fundit pranë Evisës…!

Fjalët janë të tepërta, sepse dhimbja është aq e madhe sa të gjithë shqiptarët po luten që kjo nëne të gjejë forcë që të përballojë dhimbjen! /ShkodraNews

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.