Lleshi: Nuk do të lejohen të hyjnë në Shqipëri 52 grekët që na provokuan

489
0

Ka reaguar ditën e sotme kreu i ministrisë së Brendshme, Sandër Lleshi në lidhje me ngjarjet e ndodhur dje në Bularat.

Lleshaj ka bërë me dije se 52 shtetas grekë janë shpallur persona të padëshiruar dhe nuk do të lejohen të hyjnë në Shqipëri, pasi kanë provokuar shtetin shqiptar dhe për këtë duhet të mbajnë përgjegjësi.

Ndër të tjera, kreu i MB u shpreh se urtësia jonë nuk duhet të merret për dobësi.

Ai tha në një deklaratë për media:

Duke e konsideruar të papranueshëm, provokimin sa vulgar, aq edhe të rrezikshëm që iu bë dje shtetit shqiptar e qytetarëve të tij pa dallim, nga individëve e grupe të caktuara të ardhura nga Greqia, të cilët shpërdoruan respektin tonë ndaj normës tradicionale shqiptare të hapjes së dyerve të një familjeje në zi dhe e kthyen një ritual përbashkues varrimi, në një shfaqje të pa tolerueshme ekstremizmi, ka vendosur:
Shpalljen persona të padëshiruar në vendin tonë, të 52 personave të shtetësisë greke, për veprimtari të organizuar në dëm të sovranitetit të Republikës së Shqipërisë dhe shfaqje e deklarata sfiduese ndaj rendit kushtetues, sigurisë kombëtare dhe qetësisë publike të këtij vendi.
Këta njerëz dhe të tjerë, që po analizohen nga forcat tona të sigurisë lidhur me shfaqjen e djeshme ekstremiste në fshatin Bularat, nuk do të lejohen të hyjnë më në këtë vend, për periudhën e parashikuar në ligj.
Askush nuk duhet ta marrë urtësinë tonë për dobësi dhe asnjë i huaj nuk mund të shkelë pa u përballur me pasojat, ligjin dhe traditat e mikpritjes së këtij vendi”.