Ish-kandidati për kryetar të PD-së dhe aktualisht drejtues politik që qarkun e Tiranës ka vendosur që të largohet diten e sotme nga Kuvendi Kombëtar i Partisë Demokratike. Agron Shehaj ishte në radhë për të mbajtur fjalim, por ka refuzuar, duke zgjedhur largimin.
Kujtojmë se Kuvendi Kombëtar i PD-së nisi punimet në orën 11:00, punime të cilat janë duke vijuar ende dhe pritet të votohet edhe zgjedhja e 300 anëtarëve të rinj të Këshillit Kombëtar, mandati i të cilit u ndërpre para kohe.
Delegatët janë ftuar të miratojnë propozimet e Lulzim Bashës për ndryshimet në statut që nuk sollën asnjë risi në mandatin e kryetarit, ndryshe nga sa kishin kërkuar kritiket e tij, platformat e të cilëve u rrëzuan nga Kryesia.
