Monika Kryemadhi ka zbuluar disa mesazhe që Rama i kishte dërguar.
Kryemadhi akuzoi Ramën se punon vetëm për pushtet, ndërsa tha se LSI është një strukturë morale dhe shpirtërore shumë e fortë dhe jo strukturë që mendon veç për pushtet.
“Tani e pashë. Meta nuk ma tha. Paska bërë shumë mirë që s’ma ka thënë. Për mua dhe LSI ka shumë vlerë ai mesazh. Tregon planin e Ramës më 2017 për të shkarkuar Bashën dhe për të emëruar kryetar tjetër. Domethënë s’paska pasur marrëveshje, por Rama paska pasur plane. Makthi i Ramës qenka LSI.
Më çonte mesazhe me njerëzit e vet dhe thoshte s’do mbushësh sallat më. Bleu drejtorët e LSI dhe i mbajti ca zëdhënësa, i mori këta dhe kujtoi se LSI ishin këta. LSI është strukturë solide shpirtërore dhe jo pushteti. Për LSI janë harxhuar para pa fund, sepse LSI palcën e vet e ka bazuar te sistemi dhe jo te pushteti dhe as te punësimi. Pas LSI nuk lidhen njerëzit për para, sepse i blente Rama. LSI është parti solide me moral.”, tha Kryemadhi.
Sa i takon deklaratave të presidentit Ilir Meta se opozita nuk duhet të përdorë dhunën, Kryemadhi vlerësoi se Meta bën punën e tij si president.
“Ilir Meta do të bëjë punën e tij si President. Jo vetëm Meta ka bërë thirrje për dhunë, por edhe Sandër Lleshi ka bërë thirrje anti-dhunë. Vërtetë ne mund të jemi nxitës të qytetarëve për të protestuar. Nëse nuk do të kishte ç’dekret të presidentit do të kishte përplasje bandash.
Sot nuk garantohet dot siguria e qytetarit, jo qytetarit. Një nga problemet e 30 qershorit s’do ishte Rama e Basha, problemi do ishte se viktima do ishin shqiptarët. A e dini sa fletë votimi kanë ardhur nga Sllovenia pa certifikim”, u shpreh Kryemadhi.
