Një krizë globale e energjisë e shkaktuar nga moti dhe kërkesave të shumta po përkeqësohet, duke ngritur alarmin para stinës së dimrit, kur energjia nevojitet edhe më shumë për të ndriçuar dhe ngrohur shtëpitë.
Qeveritë në të gjithë botën po përpiqen të kufizojnë ndikimin tek konsumatorët, por pranojnë se ata mund të mos jenë në gjendje të parandalojnë rritjen e faturave. Udhëheqësit botërorë po përgatiten për një samit kritik për klimën në muajin Nëntor.
Në Kinë, ndërprerjet për banorët tashmë kanë filluar, ndërsa në Indi stacionet e energjisë po përpiqen për të gjetur qymyr. Mbrojtësit e konsumatorëve në Evropë po bëjnë thirrje për ndalimin e prerjes së energjisë, nëse klientët nuk mund të shlyejnë menjëherë atë që i detyrohen.
“Kjo rritje tronditëse e çmimeve është një krizë e papritur në një moment kritik,” tha shefi i energjisë i BE-së, Kadri Simson, i cili konfirmoi se blloku do të përshkruajë përgjigjen e tij afatgjatë të politikës javën e ardhshme.
“Prioriteti i menjëhershëm duhet të jetë zbutja e ndikimeve sociale dhe mbrojtja e familjeve të prekura”, shtoi Simson.
