Presidenti i Frances, Emmanuel Macron, ka deklaruar se është pro dialogut mes Greqisë dhe Turqisë për Mesdheun Lindor.
Përmes një postimi në rrjetin social Twitter, ai i ka dërguar një mesazh të qartë në gjuhën turke, presidentit Erdogan.
“Në Ajaccio i dërguam Turqisë një mesazh të qartë, të rihapim një dialog të përgjegjshëm me qëllim të mirë dhe jo naiv. Kjo thirrje tani është gjithashtu edhe një thirrje e Parlamentit Evropian. Me sa duket edhe është përcjellë. Le të përparojmë”, shkruan ai.
Erdogan u shpreh një ditë më parë se tërheqja e anijes turke “Oruc Reis” nga ujërat e Mesdheut Lindor ishte një qasje e arsyeshme për t’i dhënë diplomacisë një shans.