Mos prisni më për një foto të Ajkës. Mami Xhensila dhe babi Besi nuk do të publikojnë asnjë foto të vajzës së tyre derisa vajza të rritet. I ftuar sot në emisionin “Thumb” të Fatmës dhe Aulonës, Besi sqaroi një herë e mirë arsyen pse ai dhe Xhensila nuk dëshirojnë të publikojnë asnjë foto të vogëlushes së tyre.
“Nuk e kemi mbajtur larg për çështje syri. Unë nuk mund ta bëj të famshëm fëmijën tim, sepse është fëmija i Besit dhe i Xhensilës. Për ne është marrëdhënie familjare brenda shtëpisë tonë. Fëmija im ka kohë të rritet dhe të vendosë vetë për veten”,-është shprehur Besi.
Xhensila dhe Besi nuk janë personazhet e vetëm që zgjedhin të mos i publikojnë në rrjetet sociale fëmijët e tyre. Plot vipa të tjerë shqiptarë dhe të huaj kanë vendosur të mos tundohen nga fotot e bukura që ju realizojnë fëmijëve dhe kanë zgjedhur t’i mbajnë ato vetëm në albumin e shtëpisë, jo në Facebook ose Instagram.
