Ambasadori amerikan Donald Lu do të japë këtë javë intervistën e fundit për një televizion shqiptar. Përpara se të largohet nga Tirana, Lu do të flasë të enjten, 13 shtator, për gazetarin Sokol Balla në emisionin ‘Real Story’, në Vizion Plus.
Kur u emërua në vendin tonë, Donald Lu u përpoq të qëndronte larg mediave, por zhvillimet e vrullshme politike dhe veçanërisht reforma në drejtësi, e bën atë protagonist të shpeshtë në televizionet shqiptare dhe daljet publike.
