Heq shallin për të mbuluar qenin në rrugë, videoja emocionuese pushton rrjetin

743
0

Në jemi mësuar njerëz që “mburren” në rrjetet sociale me bamirësitë që bëjnë për hir të kamerave, por të pakët janë ata që bëjnë diçka të mirë pa asnjë lloj interesi.

E pikërisht një rast i tillë vjen nga Turqia, ku gjesti i një vajze ka prekur zemrat e të gjithë atyre që e kanë parë videon e shpërndarë në internet.

Me shumë siguri vajza, që po dilte nga një kafene turke, nuk e kishte menduar ndonjëherë se do bëhej e famshme në Facebook në momentin që iu dhimbs një qen rruge.

Në videon e filmuar nga kamerat e sigurisë jashtë lokalit, ajo duket ndërsa sheh qenin të shtrirë jashtë në të ftohtë dhe për një moment po bëhej gati të largohej.

Por, në moment u pendua, u kthye tek qeni, hoqi shallin e saj nga qafa dhe e mbuloi kafshën e gjorë.

Vajza u identifikua më vonë si Duygu Elma dhe u shpreh më vonë për mediat që nuk e kishte menduar ndonjëherë se ajo që bëri do kishte rënë në sy.

Videoja e shpërndarë në Facebook numëron deri më tani më shumë se 330,000 shikime.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.