Një kamion i cili po tranportonte grurë është përmbysur në autostradën Tiranë-Durrës.
Sipas uniformave blu mësohet se rreth orës 14:05 të ditës së sotme, shtetasi A. A., duke drejtuar kamionin të ngarkuar me grurë, dyshohet se ka humbur kontrollin mbi drejtimin e mjetit dhe për pasojë mjeti ka dalë nga rruga.
Fatmirësisht si pasojë e aksidentit ka vetëm dëme materiale, ndërkohë nga videot e publikuara shihet se si rruga është përmbushur përlot me grurë.
Njoftimi i plotë:
Tiranë/Informacion paraprak
Më datë 12.08.2022, rreth orës 14:05, në autostradën Durrës-Tiranë, shtetasi A. A., duke drejtuar mjetin (kamion të ngarkuar me grurë), dyshohet se ka humbur kontrollin mbi drejtimin e mjetit dhe për pasojë mjeti ka dalë nga rruga.
Si pasojë e aksidentit janë shkaktuar vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të aksidentit.