Çdo kompani gjermane ndeshet me vështirësi në plotësimin e pozitave që kërkojnë një forcë pune të kualifikuar sipas një studimi nga Shoqata e Dhomave Gjermane të Industrisë dhe Tregtisë (DIHK).
Pothuajse gjysma e 24 mijë kompanive të anketuara u shprehën se mungesa e punëtorëve të kualifikuar në Gjermani filloi të ndikojë në aktivitetin e tyre, ndërsa vetëm pa më shumë se një e treta e tyre u përgjigjën në këtë mënyrë një vit më parë.
Sektorët e ndërtimit, logjistikës, gastronomisë dhe kujdesit për pacientët veçanërisht ishin edhe më të prekurit, sipas studimit, i cili paralajmëroi se kjo mund të ketë një efekt të kundërt në investime dhe rritjen ekonomike.
Shoqata shoi më tej se sipas llogaritjeve të saj, aktualisht ka 1.6 milionë vende të lira pune për punëtorët e kualifikuar dhe se trendi do të rritet në vitet e ardhshme.
Kreu i saj, Ahim Derx, tha se një nga arsyet për deficitin është ndoshta faktori demografik në Gjermani, ku normat e lindjeve janë një nga më të ulëtat në botë. Ai shtoi më tej se emigracioni nga vendet e tjera të Bashkimit Europian gjatë viteve të fundit ka ndihmuar ndjeshëm në përmirësimin e situatës.
Po ashtu, sipas tij edhe emigracioni nga vendet jo anëtar të BE-së, duke përfshirë edhe ata që i drejtohen Gjermanisë në këtë krizë refugjatësh, gjithashtu mund të ndihmojë në mbushjen e hendekut./G.D/SCAN