Një foshnje është gjetur i vdekur në një qese pazari jashtë Kishës All Saints, Londër. Foshnja e vdekur është gjetur një ditë më parë jashtë kishës nga një punonjës pastrimi i cili ka denoncuar menjëherë rastin.
Sipas autoriteteve të policisë foshnja dyshohet se është braktisur nga nëna e tij e cila është shpallur në kërkim.
Në një konferencë shtypi, inspektori Owen Renowden tha: “Oficerët e zonës kanë punuar gjatë natës dhe vazhdojnë hetimet këtë mëngjes për të gjetur nënën e foshnjës. Ne u thirrëm në orën 12:46 për një çantë pazarje Marks & Spencer me figura avokadoje, ku u gjet foshnja.”
Sipas tij, kur autoritetet mbërritën, bashkë me shërbimin ambulant, foshnja ishte shpallur e vdekur në vend. Policia konfirmoi se foshnja ishte një djalë dhe besohet se ishte e sapolindur.
Një dëshmitar i tha gazetës The Sun se një çift ishte parë duke lënë çantën në vendin ku u gjet foshnja, rreth orës 10:00. Dëshmitari tha se burri po e rrotullonte çantën dhe po e lidhte atë, ndërsa gruaja po e ndiqte nga pas. Ata dukeshin të shqetësuar kur po kërkonin diçka pranë një koshi plehrash.
Në vendin e ngjarjes janë lënë lule dhe një lodër si homazhe për foshnjën, ndërsa hetimet vazhdojnë.