Gjurmë të reja dinozaurësh janë zbuluar në shtratin e një lumi të tharë nga vala e të nxehtit në Teksas të SHBA-së.
Për vite të tëra, gjurmët kishin qëndruar të fshehura nën shtresat sedimentare të lumit, në Parkun Shtetëror “Dinosaur” në Teksas, zonë që ka qenë e prekur nga thatësira e madhe gjatë kësaj vere.
Gjurmët datojnë 113 milionë vite më parë dhe i përkasin dy specieve, një theropod i quajtur Acrocanthosaurus dhe një sauropod i quajtur Sauroposeidon.
Acrocanthosaurus kanë qenë 4.5 metra të gjatë dhe peshonin rreth 7 ton, në moshë të rritur, ndërsa një Sauroposeidon ishte rreth 15 metra i gjatë dhe me një peshë prej 44 ton.
