Ish-i dashuri i 30-vjeçares që lindi dhe braktisi foshnjën në garazhin e një pallati në Yzberisht ka treguar versionin e tij të ngjarjes.
Duke folur për mediat, ai ka treguar se lidhja me 30-vjeçaren ka zgjatur më shumë se dy muaj, por ka theksuar se me vajzën ka kërkuar të jenë bashkë, por ajo nuk e ka pranuar se ai ishte xheloz.
Ai ka deklaruar se është i gatshëm të kryejë testin e ADN-së së fëmijës dhe nëse rezulton që djali është i tij nuk do t’ia falë kurrë 30-vjeçares.
“Lidhja jonë gati 2 muaj e ca ka zgjatur. Të kryhet testi i ADN-së. Jemi takuar vetëm njëherë. Isha pak xheloz, kërkova avancimin e lidhjes por nuk pranoi. Se kam mbajtur mbyllur, ajo ishte në Tiranë unë në Korçë. Mamaja ishte dakord, por vajza jo. Unë me vajzën flisja edhe si shokë. Por nuk e kam ditur që ishte shtatzënë. Kemi folur edhe në kamera, por se kam dalluar që ishte shtatzënë. Gati 1 muaj kam folur me të dhe nuk kuptohej që ishte shtatzënë”.
Ndërkohë, kur u pyet nëse e dinte që 30-vjeçarja ishte motra e shokut të tij, i riu tha:
“Edhe i vëllai i saj e dinte marrëdhënien. Ka qenë në dijeni, por jo për gjëra të tjera. Lajmin e mora vesh në lajme, pashë fotografinë. Vajzën s’kisha mundësi ta telefonoja, sepse kur e mora vesh ishte brenda. Mora vëllain, sepse ai nuk e dinte që kishim kryer marrëdhënie. Nëse është i imi nuk do ia fal kurrë. Nëse është i imi të bëjë analizat, s’do ia fal këtë. Mua s’ka shans të më dali para, me këtë që bëri.”
