Fakti që topat e zinj dolën nga deti ka shkaktuar mister në Australi.
Clovelly Beach dhe skaji verior i Maroubra u mbyllën të enjten pasi Këshilli Randwick më parë mbylli plazhet e Gordon’s Bay dhe Coogee. Njerëzit janë paralajmëruar që të mos i prekin këto objekte apo t’u afrohen atyre, shkruan Guardian.
Plazhet Bondi, Tamarama dhe Bronte gjithashtu u mbyllën me “kujdes shtesë”, tha në një deklaratë Këshilli fqinj i Waverley.
Këshilli i Qytetit të Randwick tha të mërkurën mbrëma se rezultatet paraprake të provës treguan se sferat janë “topa të katranit” të formuar kur nafta bie në kontakt me mbeturinat dhe ujin, zakonisht nga derdhjet e naftës. Një inspektim komunal zbuloi se mbeturinat ishin të kontaminuara me hidrokarbure, përbërësi kryesor i produkteve të naftës.
Stafi i qytetit në ski jet vuri re një derdhje të dyshuar nafte në det të mërkurën në mëngjes, tha kryetari i bashkisë së Radwick, Dylan Parker. Megjithatë, Autoriteti i Porteve të Uellsit të Ri Jugor tha se nuk kishte raporte për derdhje nafte nga anijet, vëren The Guardian.
Katër plazhe në Randwick janë mbyllur deri në një njoftim të dytë.
