Fëmijës i ngel monedha në fyt, mjekët tregojnë se si vepruan për ta hequr

2309
0

Një adoleshent nga Kalifornia u bë subjekt i një dokumenti mjekësor të kohëve të fundit pasi një monedhë metalike i ka ngelur vertikalisht midis kordave vokale.

Në një raport mjekësor të botuar në New England Journal of Medicine të këtij muaji, një ekip mjekësh detajoi rastin e çuditshëm të një djali 14-vjeçar, i cili u shfaq në dhomën e urgjencës së një spitali me një fyt të ngjirur dhe vështirësi në gëlltitje.

Ai i tha stafit se kishte gëlltitur aksidentalisht një monedhë metalike, por raportoi se nuk kishte vështirësi në frymëmarrje dhe se kishte jargëzim, raporton odditycentral.

Megjithatë, pas kryerjes së një skanimi me rreze X të gjoksit dhe qafës, mjekët e kuptuan menjëherë situatën e vështirë, pasi monedha metalike kishte ngecur në një pozicion vertikal midis kordave të zërit dhe mund t’i dëmtonte ato nëse lihej për një kohë të gjatë atje.

“Kur aspirohen në rrugët e frymëmarrjes nga fëmijët më të rritur, trupat e huaj zakonisht vendosen më larg se në këtë rast (në trake ose në bronkun kryesor), për shkak të gravitetit dhe madhësisë më të madhe të rrugëve të frymëmarrjes”, shkruajnë mjekët, duke shtuar se në këtë rast, gjërat ndodhën pak më ndryshe.

Sapo monedha kalonte kordat vokale dhe glottis (pjesë e laringut), ajo u vendos midis kordave të adoleshentit dhe trakesë, në një hapësirë shumë të vogël të njohur si nënglotis.

Fotot e marra në mënyrë endoskopike tregojnë objektin metalik të ulur në subglotis si në një automat.

“Trupat e huaj të rrugëve të frymëmarrjes – veçanërisht ato në trake dhe laring – kërkojnë heqjen e menjëhershme për të reduktuar rrezikun e komprometimit të frymëmarrjes”, thuhej në raport.

Mjekët e qetësuan djaloshin dhe i kryen një bronkoskopi urgjente duke përdorur një mjet kapës.

Monedhat janë objekti më i zakonshëm i gëlltitur nga fëmijët, duke përbërë rreth 60 për qind të të gjitha objekteve të raportuara të gëlltitura, megjithëse gëlltitja aksidentale zakonisht ndodh tek fëmijët nën moshën gjashtë vjeç.