“Është luftë jo lojë”, Rama: Në Itali po mbyllen çdo ditë hotelet, nuk përballojnë dot çmimet e larta

232
0

Kryeministri Edi Rama, sot nga Përmeti, u ndal tek kriza energjetike që ka prekur Europën si shkak i luftës në Ukrainë.

Rama u shpreh se ndryshe nga Shqipëria, ku bizneset kanë mbështetjen e qeverisë përsa i përket çmimit të energjisë elektrike, një panoramë ndryshe paraqitet në Itali, ku sipas tij çdo ditë mbyllen hotele agroturizmi sepse nuk përballojnë dot çmimin e energjisë elektrike.

Pjesë nga fjala e Ramës:

Që do të ishte komplet e e paimagjinueshme jo vetëm, jo shumë vite më parë. Ju kujtohet si e kemi nisur udhëtimin tonë në Përmet, çfarë depresioni ishte. Çfarë strukturash ishin, ai hoteli legjendar atje që mezi mbijetonin. Si për çdo gjë dhe në çdo gjë, nëse do krahasohemi me atë që u nisëm sot nata me ditën.

Përmeti dhe në tërësi të gjithë ata zonat që po zhvillojnë turizmin falë jush, ajo që bëjmë ne ka rëndësi relative, ajo që bëni është absolute. Programin e Rilindjes urbane e përçmonin si fasadë. Sot do të ishim akoma më mirë, nëse nuk do të gjendeshim në një situatë të ngarkuar në prag të një dimri, që është cilësuar  si dimri më i vështirë pas Luftës së 2 Botërore, për shkak të një lufte që ka nisur në dyert e Europës.

Inflacioni i luftës nuk është një forcë që mund ta asgjësosh, nuk është një prodhim i brendshëm është një flamë e cila vjen dhe e mbështjell të gjithë vendin se ka mbështjellë një kontinent. Ne jemi këtu se qeveria ka marrë një përgjegjësi për të bërë ç’është e mundur për të lehtësuar këtë barrë. Nëse nuk do të kishim mbrojtur çmimin e energjisë në të gjitha bujtinat, do të kishin falimentuar. Vetëm çmimi i energjisë do ta falimentonte aktivitetin.

Shikoni çfarë ndodh, ja në vende më të përparuara si Italia, çdo ditë mbyllen hotele, agroturizma se nuk përballojnë dot çmimin e energjisë. Kemi vendosur një fashë për të stimuluar kursimin dhe për të ulur çmimin e energjisë për familjet. Ne rrimë dhe mezi presim të shikojmë një mundësi të vogël që krijohet për të lehtësuar barrën e familjeve dhe bizneseve të voglave, u krijua një mundësi për uljen e fashës dhe nga ana tjetër patëm reshje jo të mjaftueshme për të fjetur gjumë jo tamam, se na fali perëndia diellin me inat dhe pse duam shi.

Dhe edhe për muajin nëntor do rrimë të presim nëse na krijohet kjo mundësi dhe për këtë arsye duhet të kursejmë, kursejmë. Ne bëjmë më shumë se çfarë bëjnë vendet e Evropës me këshillat që japim për kursim për kursim, me gradacionet e lavatriçes dhe kështu me radhë. Kjo nuk është një lojë është një luftë. Dhe në këtë luftë duam t’ja lehtësojmë më shumë punën.