Një shtetas me origjinë shqiptare është gjetur i varur në një pemë në fshatin Vetriolo, një fshat në Bagnoregio në Itali.
Kërkimi nisi nga punëdhënësi, i cili duke parë që ai nuk ishtë paraqitur në punë është shqetësuar.
Ngjarja e rëndë ka ndodhur ditën e martë, kur punëdhënësi italian njoftoi autoritetet i shqetësuar.
Pas kërkimeve, emigranti u gjet i varur në një pemë pranë banesës.
Viktima u identifikua si Kujtim Çobo, 55 vjeç nga Shqipëria, emigrant në Itali.
Lidhur me ngjarjen ka reaguar edhe kryebashkiaku i Bagnoregio-s, Luca Profili.
“Ka shumë njoftime për një person të gjetur të varur në Bagnoregio. Ai është një shqiptar që kishte ardhur për arsye pune.
Ngushëllimet e mia familjes së tij.
Autoritetet po punojnë për zbardhjen e plotë të ngjarjes”, ka shkruar ai