E tmerrshme, pas shtrenjtimit te nates, vjen dhe rritja e çmimit te biletave të autobusëve

4
0

Kreu i shoqatës së Transportit Urban dhe Interurban për veriun Dashnor Memaj ka konfirmuar se nëse qeveria nuk merr masa për çmimin e naftës, ata janë të detyruar që të shtrenjtojnë tarifat e shërbimit. Në një prononcim për mediat, Memaj tha se kërkon që të paktën qeveria t’i përjashtojë nga taksa e qarkullimit.

Ndër të tjera ai shtoi se nevojitet ndërhyrja e qeverisë sa më parë përmes mekanizmave rregullues për ta bërë çmimin e naftës të përballueshëm për sektorin e tyre.

“Një ndryshim i çmimit të naftës reflektohet te kostot e mirëmbajtjes së këtij sektori. Ne nuk kemi kërkuar diçka që s’mund të bëhet ose nuk na takon, ne po kërkojmë çmimin e naftës si sektor ta marrim sa vendet e rajonit. Kemi kërkuar të përjashtohemi nga taksa e qarkullimit, 27 lekë për litër është e padrejtë për ne.

Duhet edhe suport tjetër financiar, ulja e pragut të TVSH-së. Janë këto elemente të cilat ne i kemi quajtur shtyllat ekonomike tonat që të kalojmë krizën dhe mos ketë ndikim në rritjen e çmimit të biletës për qytetarët. Në momentin që ne hasemi me një zë të shurdhër, nuk na përgjigjen, automatikisht do kërkojmë rritjen e çmimit të biletës,”- tha Memaj.

Kujtojmë se për herë të fundit çmimi i biletës së urbanit ëhstë rritur në vitin 2019, nga 30 shkoi në 40 lekë.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.