Një shqiptar është gjetur i pajetë në shtëpinë e tij në Castelli Romani në Itali.
49-vjeçari Petrit Caka u gjet i pajetë në tokë nga bashkëshortja, e cila më pas njoftoi ambulancën, por mjekët nuk kanë mundur të bëjnë asgjë.
Për momentin hetuesit nuk përjashtojnë asnjë pistë dhe priten rezultatet e raportit të mjekësisë ligjore. Në trupin e 49-vjeçarit kishte shenja të qarta të një përleshjeje që sugjeron se ishte një vrasje.
Sipas mediave italiane, pasi ka shoqëruar tre fëmijët në shkollë mëngjesin e djeshëm, burri është kthyer në shtëpi dhe aty është sulmuar.
