“E palogjikshme një natë 300 euro”, Rama kritikon çmimet në jug: Marrëzi, më lehtë të shkosh në Turqi se në Dhërmi

900
0

Kryeministri Edi Rama ka folur sot gjatë takimit me kryebashkiakët, edhe për çmimet e larta në jug të vendit të cilat duket se kanë boshatisur plazhet këtë periudhë. Ai e ka quajtur marrëzi dhe të palogjikshme që për një natë hotelet kanë çmime 300 euro.

“Në këtë rast është ekonomia që ndikohet nga marrëzia e vendosjes së çmimeve që e bëjnë shumë më të lehtë të shkosh në Greqi apo Turqi sesa të rrish në Dhërmi. Është i mrekullueshëm por jemi larg së garantuari cilësi shërbimesh”, u shpreh Rama.

Më tej, kryeministri ka thënë se në këtë situatë është e domosdoshme që pronarët në jug, nga Vlora në Sarandë, të nxjerrin mësim për çmimet e kripura.

“E domosdoshme është nxjerrja e një mësimi të rëndësishëm i gjithë bregut nga Vlora në Sarandë për çmimet. Nuk i vendosin bashkitë që i vënë çmimet, por kanë në dorë të jenë proaktive dhe të luajnë rol sa ndërveprues aq edhe nxitës, patjetër dhe influencues.

Në këtë rast është ekonomia që ndikohet nga marrëzia e vendosjes së çmimeve që e bëjnë shumë më të lehtë të shkosh në Greqi apo Turqi sesa të rrish në Dhërmi. Është i mrekullueshëm por jemi larg së garantuari cilësi shërbimesh. Ata që e garantojnë të kenë më të ulëta se dikush që hap një derë dhe kërcet 200-300 euro natën, është e palogjikshme”, tha Rama.

Edi Rama u tha kryebashkiakëve të vetë se duhet më shumë fokusim te përmbajtja artistike e sezonit, për të mbushur me aktivitete orët mes perëndimit të diellit dhe gjumit. “Nevoja për tu fokusuar tek përmbajtja e sezonit dhe nga pikëpamja kulturore dhe artistike. Jemi prapë në mangësi për ofertën për orët që janë mes perëndimit të diellit dhe gjumit”, tha ai.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.