“E lava hanxharin” Dogjën nënë e bir, 26-vjeçari që kishte lidhje me nusen e shtëpisë tregon aktin makabër

504
0

Detaje të detaje dalin për ngjarjen në Vlorë, në të cilën nënë e bir u vranë dhe më pas u dogjën. Policia arrestoi sot autorët dhe zbuloi se u vranë për motive pasioni. Autori Kasëm Pirjasi është një 26-vjeçar i martuar, baba i dy fëmijëve i cili kishte një lidhje jashtë martesore me gruan e të ndjerit, Hysnie Hoxhallarin.
TCH raporton se që kur Olsi ishte kthyer nga Greqia për shkak të festave të fundvitit, ai nuk kishte me mundësi ta takonte 38-vjeçaren, e cila është nga fshati Strume i Fierit, andej nga është edhe vrasësi e po ashtu mblesi për martesën.

arma e krimit

Dy të arrestuarit kishin pasur një histori që në fshat dhe përpara se Hysnia të martohej me të ndjerin. Madje, sipas TCH për këtë martesë kishte ndërhyrë Kasëm Pirjasi, i cili është baxhanak me një nga kushërinjtë e viktimave.
I pyetur nga policia, Kasëm Pirjasi ka rrëfyer se pasi Olsi ishte kthyer nga Greqia ai nuk po e takonte më dot të dashurën.
Në këto kushte ka bërë edhe planin, ndërkohë që Hysnia këmbëngul se nuk dinte asgjë. Gruaja ka shtuar se pasi Kasëmi i kishte vrarë të dy, edhe bashkëshortin dhe vjehrrën, ai e kishte njoftuar për masakrën.
“E lava hanxharin ka rrëfyer gruaja e cila ka treguar edhe vendin ku ishte fshehur, ai i vendosi zjarrin banesës së vogël dhe kur ai iku, unë prita deri në orën katër të mëngjesit dhe pastaj njoftova policinë”- tha ajo./L.P./