Kreu i Qeverise, Edi Rama ka zbuluar se i është dërguar kërkesë Komisionit Teknik të ekspertëve për pandeminë që të rishikojnë orën policore.
Gjatë një bisede me kryeministrin, Ministrja e Arsimit, Evis Kushi tha se qytetarët e Elbasanit i kanë kërkuar që ora policore të shtyhet deri në orën 21:00 ose 22:00 duke marrë parasysh edhe nisjen e muajit të Ramazanit.
Rama tha se Komitetit i është dërguar një kërkesë për shtyrjen e orës policore dhe pritet përgjigjja e tyre por shtoi se ekspertët “janë shumë të shqetësuar”.
Dy ditë më parë, Komiteti i Ekspertëve vendosi të lërë në fuqi masat ekzistuese anti-COVID përfshi edhe ndalimin e lëvizjes pas orës 20:00.
