Një vjedhje e pazakontë ka ndodhur në qytetin e Vlorës, ku protagoniste kanë qenë dy gra.
Denoncuesi thotë se i kanë marrë valixhen me sende personale dhe dokumenta, në momentin që e zbriti nga makina.
Fatmirësisht prania e kamerave ka bërë që akti i ulët të filmohet. Dy gratë ecin me valixhen e vjedhur si pa gjë të keq.
Ndiqni videon dhe lexoni denoncimin te gazetari Enrik Mehmeti:
Mesazh nga qytetar
“Përshëndetje Enrik.Këto dy zonjat kanë vjedhur një valixhe në zonën e skelës sot në orën 12 të drekës, përball shtëpis time te “Vullneti i Peshkut” në Vlorë.E zbrita nga makina sa të transportoja gjëra të tjera por zonjat u treguan të shkathta dhe e morën.I kërkojmë ta rikthejë pasi kishte sende personale dhe dokumenta përpara se ti denoncojmë,ju lutemi shperndajeni sa me shume që ta shikojnë dhe zonjat që të ndërgjegjësohen sepse as ne nuk duam ti bejm keq njeriu”
Pak minuta me pare, gazetari ka postuar njoftimin se valixhja eshte kthyer tek pronari:
‘Mirmëngjes.Valixhja e cila u vodh dje më është dorëzuar mbrëm nga një person ndërsa më pas për mos të krijuar përplasje mes palëve ia dorëzova veçmas pronarit.Është e rëndësishme është që dikush të ndërgjegjësohet për një gabim të bërë brënda një kohe të shkurtër.’
