Dalin statistikat: Të pavaksinuarit përbëjnë 97% të rasteve me Covid-19 gjatë dy muajve të fundit ne kete shtet

9
0

Ministria e Shëndetësisë në Arabinë Saudite ka zbuluar se 97 për qind e infeksioneve me Covid-19 gjatë dy muajve të fundit ishin mes njerëzve që nuk ishin vaksinuar plotësisht.

“Nga personat e infektuar, 65 për qind nuk kanë marrë fare vaksina ndërsa 32 për qind kanë marrë vetëm dozën e parë të vaksinës. Shkalla e infeksioneve në mesin e njerëzve që kanë përfunduar ciklin e tyre të vaksinimit është 3 për qind”, tha ministria në një deklaratë.

Ministria u bëri thirrje të gjithë qytetarëve sauditë dhe banorëve në vend që të kryejnë vaksinat e tyre sa më shpejt në mënyrë që të parandalojnë përhapjen e varianteve te reja të koronavirusit, si dhe të mbrohen nga komplikimet e mundshme pas infeksionit.

Ministria këshilloi gjithashtu personat vulnerabël që të merrnin një dozë përforcuese gjashtë muaj pas marrjes së dy dozave të vaksinave Pfizer, AstraZeneca dhe Moderna ose një doze të vaksinës Johnson & Johnson.

Ministria konfirmoi se vaksinat reduktuan rrezikun e kontraktimit të sëmundjes duke punuar me sistemin imunitar natyror të trupit, i cili është linja e parë e mbrojtjes kundër mikrobeve.

“Kur merret vaksina, sistemi imunitar përgjigjet duke e njohur virusin sapo të hyjë në trup. Sistemi imunitar prodhon gjithashtu antitrupa në formën e proteinave të gjakut për të luftuar antigjenin specifik,” vuri në dukje ministria.

Antitrupat kombinohen kimikisht me substanca që trupi i njeh si të huaja, të tilla si bakteret, viruset dhe substancat e huaja në gjak.

Ministria theksoi gjithashtu se vaksina ishte një mënyrë e sigurt për trupin për të prodhuar një përgjigje imune pa shkaktuar ndonjë sëmundje.

“Kur merret doza e parë dhe e dytë e vaksinës, imunizimi kundër koronavirusit përfundon dhe imuniteti vazhdon në nivele të larta për të parandaluar çdo infeksion të virusit. Pas kalimit të kohës, në disa raste imuniteti fillon të bjerë nën nivelin e dëshiruar të rezistencës ndaj infeksionit”, shtoi ministria.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.