“Çfarë të keqe kemi bërë ne, që kemi marrë këtë dënim kaq të keq”

1486
0

Stop përcolli historinë e trishtë të familjes Korini, në një fshat në Delvinë. Kryefamiljarja Elvira Korini rrit e vetme dy fëmijë jetimë, Elsa dhe Elidoni. Ata kanë probleme me sytë dhe nuk marrin as ndihmë ekonomike. Stop dhe Fundjavë ndryshe nisin fushatën, për të ndihmuar këtë familje me shtëpi të re dhe mundësi jetese.

“Çfarë kemi bërë ne të keqe, që kemi marrë këtë dënim kaq të keq. Unë nuk dua më këtu, dua të iki. Mua më shajnë shumë shokët nga babai im. Më thonë mamanë e ke qorre, babanë se ke fare… në klasën time më tallin më shumë dhe kjo më trishton shumë. Unë nuk e di cila është e vërteta, unë dua që ta kem babain tim, por nuk e kam. Dua t’i kem të dy si shokët dhe shoqet e mia, edhe shtëpinë. Edhe mamin dua që të më shikojë, por s’mundem. Nuk kam asnjë shoqe, dua edhe të kem shoqet e mia, por nuk i kam”, thotë mes lotëve vajza e vogël Elsa.

Elsa dhe Elidoni janë vetëm 8 dhe 9 vjeç. Për ta vuajtjet janë duke u shtuar çdo ditë. Jetojnë në qytetin e Delvinës, në një shtëpi, kushtet e së cilës po rrezikojnë shëndetin e tyre. Para 4 vitesh, babai ndërroi jetë prej një sëmundjeje në mushkëri, duke i lënë në mëshirë të fatit, pasi edhe Elmira, mamaja, në njërin sy ka humbur plotësisht shikimin, ndërkohë tek tjetri sheh shumë pak, duke e bërë të pamundur për të punuar. Ata nuk kanë ëndrra si çdo fëmijë, përkundrazi, edhe kur mbyllin sytë jetojnë në makth.

“Ata janë shumë të këqinj me ne. Ata edhe bukën dje ma hodhën nga dora duke më goditur. Më goditën në bark dhe më ra buka nga dora. Të gjithë marrin pite dhe gjëra të mira, kurse unë me Elsën marrim vetëm bukë thatë“, thotë Elidoni.

“Të vuajnë fëmijët për copën e bukës, të vuajnë fëmijët t’i torturojnë, t’i rrahin. Përkrahje nuk kam, ndihmë uk kam, njeri nuk kam këtu, vetëm këta të dy, asnjë tjetër. Asnjë të ardhur nuk kemi. Asgjë, një ndihmë 20 mijë lekë merrja. Edhe atë ma prenë. Më lanë gati 1 vit pa ma dhënë ndihmën ekonomike”, tregon nëna e tyre Elvira.

“Asgjë nuk është e jona, vetëm kemi mamanë tonë përdore. Jemi në mes të 4 rrugëve, zoti i shtëpisë i kërkon lekët përditë, ku t’i gjejmë, ne nuk kemi, do na nxjerrin nga shtëpia, si nuk na kanë nxjerrë këto ditët e fundit. Ne nuk mund të rrimë dot këtu më. Mua më mbytën ilaçet, nuk rri dot më këtu, dua të iki në një shtëpi tjetër. S’mundem dot më”, shton Elsa.

Nëna e saj shpjegon se ka 2 muaj që nuk e ka paguar qiranë, ndërsa tregon se kushtet e shtëpisë janë tepër të këqija.

“Jemi afër detit po si mund të arrijmë atje kur nuk kemi as edhe një qindarkë për të shkuar…”, shton Elidoni, i cili thotë se nuk e ka parë kurrë detin, përveçse në foto./tvklan.al

Mesazhi i Fundjave ndryshe: Elsa dhe Elidoni janë vetëm 8 dhe 9 vjeç, por çdo ditë vuajtjet janë duke u shtuar. Jetojnë në Delvinë me në një shtëpi me qera dhe çdo ditë i duhet të përballen me talljet e shokëve, varfërinë, përkeqësimin e shëndetit. Para 4 vitesh babai i ndërroi jetë prej një sëmundje në mushkri. Duke i lënë në mëshirë të fatit, pasi edhe Elvira mamaja, në njërin sy ka humbur plotësisht shikimin. Ndërkohë të tjetri sheh shumë pak. Lutjet e Elsës janë drithëruese, ato kanë nevojë për ndihmë sa më parë.
Bashkë mund t’ja dalim💪

Ju lutem shpërndajeni

GoFundMe: https://www.gofundme.com/fundjavendryshealbania

PayPal & Credit Cards: https://ffn.al/en/donate-2/
PAYPAL EMAIL : fnfoundationusa@gmail.com
Numrat e llogarisë :
Fondacioni Fundjavë Ndryshe
Raiffeisen Bank

SWIFT CODE – SGSBALTX

0011184027 – ALL – AL76202110130000000011184027
0021184027 -EUR – AL61202110130000000021184027
0031184027 -USD – AL46202110130000000031184027 “Bamirësia nuk të varfëron”
#fundjavendryshe✅

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.