Category: Histori Shqiptare

Që prej lindjes së saj, Dea pa sakrificën dhe mundimin e cila do ta ndiqte edhe vetë atë në vitet e jetës. Nëna e saj rriti e vetme 6 fëmijë, babai i të cilëve u sëmur me Parkinson. Ndërsa vitet iknin, seciliprej fëmijëve gjeti strehën e tyre dhe kështu u duk edhe për Dean.

Por siç rrëfen në”Ka Një Mesazh Për Ty” nga “E  Diela Shqiptare” në Tv Klan, jeta bashkëshortore kishte probleme të forta. Lindja e dy fëmijëve për të ishte gëzim e shpresë,  por burrit nuk  i interesonte aspak. Për të, fokusi ishin alkooli dhe gratë e tjera, ndërsa Dea s’bënte zë për të mos shqetësuar fëmijët.

Dea: Si u martuan të gjithë, 4 motrat e mia dhe vëllai, më pas u martova unë në vitin 1985.

Ardit Gjebrea: Me dashuri?

Dea: Me mblesëri.

Dea: Në ‘86, Zoti më solli një yll të bukur, djalin tim, Sildi. Unë isha shumë e kënaqur e shumë e gëzuar sa nuk mund t’i shpreh dot emocionet si një nënë e lumtur dhe kur djali mbushi 4 vjet, linda gocën, vajzën time të bukur si drita, Erën. Teksa fëmijët rriteshin, sa më shumë rriteshin e zbukuroheshin, ata ishin të zgjuar, të dashur, punëtorë. Unë isha shumë e lumtur për këta fëmijë pavarësisht se problemet e mia kishin nisur prej kohësh nga bashkëshorti.

Ardit Gjebrea: Cilat ishin këto probleme?

Dea: Ai ishte shumë i alkoolizuar. Ai vetëm pinte. Nuk ishte i përgjegjshëm as  për fëmijët, as për familjen.

Ardit Gjebrea: Po me ty si shkonte?

Dea: Këta fëmijë kaq të bukur, kaq të zgjuar, kaq të dashur, kaq të mrekullueshëm, këta dy yje që më fali  Zoti, si mund t’ua prishësh qetësinë dhe unë nuk e jepja veten që të mos i shqetësoja.

Ardit Gjebrea: Bashkëshorti yt vetëm pinte apo kishte edhe vese të tjera?

Dea: Kishte edhe vese të tjera. Unë i kisha kuptuar, por nuk e jepja veten. 

Ardit Gjebrea: Ai kishte ndonjë marrëdhënie tjetër ndërkohë?

Dea: Ai kishte marrëdhënie, por gjithsesi ai e mohonte gjithmonë. “Ti bëhesh xheloze”, fillonte pastaj më kërcënonte, më thoshte “do të të marr familjen, mos bëj zë”.

Ardit Gjebrea: Këtë e bënte në sy të fëmijëve?

Dea: Jo, kur ishim vetëm. Unë asnjëherë nuk doja t’i shqetësoja fëmijët.

Në vitin 2003, mbi familje ra tragjedia e parë. Vajza, Era ndërroi jetë në moshën 14-vjeçare nga një gjendje e rëndë gripale. Pak vite më vonë, djali 20-vjeçar pësoi atak kardiak duke lënë një boshllëk të përjetshëm në zemrën e Deas. Gjithë çfarë dëshironte tanimë, ishte të jetonte me kujtimet e fëmijëve. Pranë iu gjend nëna që deri në atë moment s’dinte asgjë për martesën e së  bijës, por pa nga afër si trajtohej ajo.

Dea tregon se bashkëshorti s’iu gjend aty në asnjë moment. Kur ajo u kthye në shtëpi, ai i bënte presion për t’u larguar ose të qëndronte dhe t’i shërbente atij dhe gruas së  re që do të merrte.

Dea: Në momentin që kisha unë nevojë më tepër se kurrë, mua të sëmurë më çuan te motra. Kam motrën në Vranisht të Bilishtit dhe më çuan atje, ai ka ardhur vetëm dy herë që më ka parë, thjesht për sytë e botës. Unë e dija që ai nuk kishte asnjë farë interesi për mua. E dija që më tradhtonte, ishte në gjendje të dehur, ia merrnin patentën, s’çante kokën. Atje te motra, jo vetëm motra, por edhe bashkëshorti i saj, çunat e saj bashkë me të fejuarat  e tyre më rrinin te koka. Si u ktheva pastaj, ky filloi “tani ngrihu e ik”.

Ardit Gjebrea: Të thoshte ik?

Dea: “Do të marr grua tjetër, po të duash rri shërbëtorja ime”. Ikte në punë, thoshte “kur të vij, mos të të gjej”. I thosha po ti ik më vete, bëj ç’të duash, unë do të rri në dhomë më vete. Ti bëj si të duash me jetën tënde, unë dua të jetoj me kujtimin e fëmijëve që të paktën të bëj përkujtimoren e djalit sipas traditës. Jo, Ardit.

Ardit Gjebrea: Qëllimi i tij ishte të të përzinte nga shtëpia që të merrte tjetrën?

Dea: Po. Në pamundësi për ta shtyrë, nënën e kisha të sëmurë nga zemra. Merrte çantën dhe më thoshte ‘”ja bir i nënës të ikim, hajde Dea të ikim”. I thosha unë, po unë kam kujtimin e fëmijëve, ku të shkoj? Në fund fare, me gjithë nënën, na nxori në rrugë. Unë ngela në mes të katër rrugëve dhe imagjino, s’kishim as të hanim, as të pinim, por  na sillnin komshiet.

Ardit Gjebrea: Po ajo shtëpi të takonte edhe ty apo jo?

Dea: Po sigurisht, atje kisha punuar 24 vite. Kisha rritur dy fëmijë dhe ai nuk ia dinte lopës ngjyrën se çfarë ngjyre kishte. Të gjitha punët i bëja unë.

Deri në këtë pikë të diskutimit mes nënë e bijë, Bukuries dhe Edonës në “Shihemi në Gjyq” kanë dalë kryesisht në pah problematikat e jetës bashkëshortore të vajzës. Bukuria është mjaft e shqetësuar dhe përmend vazhdimisht detaje të ndryshme, por duke humbur në to, anashkalohet tema kryesore.

Në fakt, Bukuria akuzohet nga ish-krushqia se ka ndarë çiftin. Edona e shfajëson sepse thotë që ka gjetur magji, madje e ka sjellë në studion e së “Dielës Shqiptare” në Tv Klan, duke bërë që Gjebrea të largohet me të katra.

Eni Çobani: Bukurie çfarë të ka ngarkuar ty se unë e shoh që je shumë e ngarkuar ti? Ty të kanë thënë që e ndave ti çiftin?

Bukurie: Po.

Eni Çobani: Ky është problemi, kështu thuaj që vajzën e ke ndarë ti.

Ardit Gjebrea: Po pse e ndau?

Eni Çobani: Kanë ardhur në Bilisht pas 3 vjetëve bashkëjetesë në Greqi, erdhën në Bilisht. Kanë ardhur në nëntor të vitit të kaluar. Në dhjetor ka ardhur te ti. Pse e ke pranuar në dhjetor? Kësaj i thotë iku nga shtëpia vetë, më ka marrë edhe djalin dhe ka shkuar te Bukuria.

Edona: Unë s’kam ikur vetë sepse ja ku është magjia që unë i gjeta…

Eni Çobani: Çfarë është?

Edona: Magji është, magji! E kam gjetur te trikoja!

Eni Çobani: Pa sille këtu atë!

Ardit Gjebrea: Jo, jo,  jo! Unë do të bëj publicitet! Çfarë magjie aty, je në vete?

Nazmi Hasa një i moshuar 88-vjeç nga Korça, në vitin 2023 iu drejtua emisionit “Stop”pasi avokatja Eda Merkuri, i mori 700 mijë lekë borxh, duke i thënë se do t’ia kthente, kur t’i zinte dora lekë. 

“Stop” u rikthye në Korçë, pasi Nazmiu është përballur me të bijën në 22 Shkurt 2025, pas dy vitesh që nuk fliste me të. Vajza, Kostandina Hasa e ka dhunuar të atin në shtëpinë e tij, duke hyrë me forcë në banesë.

“Ishte ora 16:00, unë sipas moshës kisha atë dremkën e moshës këtu dhe dëgjoj që troket. Unë në fakt derën e hap sepse vjen ajo komshia e katit të tretë që më mat tensionin dhe hapa derën. Kur hapa derën dera u hap me forcë shumë të madhe saqë ndjeva dhimbje në supin e djathtë. Kur, shikoj që Konstadina po mbante derën me forcë kurse i biri mbante telefonin lart dhe më thoshte “rri urtë se po të inçizoj, dale të hyj brenda”. Vetëm kur tha ajo e katit të tretë “çfarë bëni me të moshuarin kështu”, atëherë u lirua dera dhe unë e mbylla”, tha për mikrofonin e emisionit “Stop” denoncuesi.

Si të mos mjaftonte kjo, Kostandina ka kërkuar urdhër mbrojtjeje nga i ati 88-vjeçar, me të cilin është dhe në proces gjyqësor, pasi ka dashur t’i marrë shtëpinë me dokumente të falsifikuara.

Një komshi, dëshmitar i situatës së dhunës tregon se ishte Kostandina, ajo që tentoi hyrjen me forcë në banesën e babait të moshuar.

“Isha në shtëpi, kur papritur dëgjoj zëra, të bërtitura, llahtari. Nuk e di se çfarë ndodhi, thashë larg qoftë mos ka ndodhur ndonjë fatkeqësi. Ishte momenti kur po kacafyteshin, hapa derën dhe i thirra nipit të tij ‘ore çfarë po bëni, se është gjynah’. Jep e merr, donin që të hynin në banesë, donin të hynin me zot. Nuk hyrën brenda, tek pragu i derës i pashë kur po kacafyteshin kaq. Pastaj ikën ata. Nuk e di se si mendojnë që një i moshuar t’i dhunojë, madje ky ishte i fortë, se po të ishte ndonjë tjetër nuk e di se çfarë mund të ndodhte”, tha dëshmitari.

“Stop” e takoi zonjën Hasa, por ajo mohoi të kishte dhunuar babain edhe pse incidenti ka ndodhur në shtëpinë e këtij të fundit. 

Gazetarja: Si jeni, si kaluat? Doja t’iu pyesja për diçka. Do të më tregoni se ku ju ka dhunuar babai juaj.

Kostandina: Tani nuk kam mundësi.

Gazetarja: Kur ka ndodhur si ngjarje?

Kostandina: A ka mundësi, se tani kam gjyq në orën 14:00.

Gazetarja: Dhe ne do të shkojmë tek ai gjyqi, por mund të më thoni pak se çfarë dëmesh iu ka shkaktuar.

Kostandina: Videoja është në polici.

Gazetarja: Po ku ka ndodhur, në shtëpinë tuaj?

Kostandina: Po.

Gazetarja: Tek cila lagje?

Kostandina: Tek klinika “Kristi”.

Gazetarja: Pse aty e keni shtëpinë ju?

Kostandina: Po!

Gazetarja: E keni fjalën për atë shtëpinë që jeni në proces gjyqësor, e që keni falsifikuar dokumentet?!

Kostandina: Jo unë nuk kam falsifikuar dokumente.

Gazetarja: Ju ka dhunuar një 88-vjeçar ju?

Kostandina: Po!/Tv Klan

• 1. Për mirë, ishte i njëanshëm
• 2. ⁠Për keq, shprehte qëndrimin e SHBA për çështjet më të rëndësishme
• 3. ⁠Nuk do ndikojë

Hane është nënë e katër fëmijëve, por sot është e vetme në mes të rrugës. Ajo ka sjellë në “Shihemi në Gjyq” babain e saj sepse siç shprehet në insertin prezantues të rubrikës të së “Dielës Shqiptare” në Tv Klan, ai nuk e pranon në shtëpi. 

“Jam nënë e katër fëmijëve. Më kanë nxjerrë  nga shtëpia. Fëmijët m’i kanë  mbajtur. Babai nuk më pranon, as vëllai. Jam në mes të katër rrugëve. Unë pa fëmijët nuk jetoj dot!” 

Rexhepi flet me urrejtje kundrejt së bijës dhe thotë se nuk dëshiron ta shohë. 

“Unë fëmijët  i kam rritur, i kam edukuar, i kam martuar. Tani nuk e di se çfarë kërkojnë prej meje. Unë atë që ka ardhur këtu nuk dua ta shoh fare!” 

Në përballjen e tyre në studio, babai i kërkon llogari vajzës se cila është arsyeja që e ka kërkuar.  Mes lotësh, Hana i përgjigjet: “Jam e lënduar në shpirt se e di mirë në jetën time ti se ç’kam hequr, se kam bërë mundim, sakrifica, në shtëpinë tënde si të kem qenë djalë më ke trajtuar!” 

Sipas versionit të Rexhepit që merr fjalën i pari duke përshëndetur më në fund, ai thotë se ka ndjekur traditat e Kukësit dhe e ka martuar vajzën. Hana kundërshton dhe thotë se i ati e ka fejuar e martuar brenda tri ditësh. 

Rexhep: Ne kemi tradita në Kukës! Nuk kemi tradita për të folur kot më kot! A more vesh? 

Eni Çobani: Kush po flet kot më kot? 

Rexhep: Unë e kam marrë, e kam martuar gocën. 

Eni Çobani: Na kanë martuar edhe ne baballarët, po? 

Rexhep: E kam martuar si gjithë të tjerët. 

Hane: Jo, nuk është si gjithë të tjerët! Nuk është si gjithë të tjerat baba se më fejove për tri ditë, fejesë, martesë. 

Rexhep: Ashtu re në pëlqim ti! 

Hane: Tri ditë fejesë, martesë, më ke lënë në mes të rrugëve! 

Rexhep: Ashtu ke rënë vetë ti! 

Hane: Ke dhënë fjalën në mes të rrugëe pa dëshirën time baba! 

Rexhep: Nuk ka qenë pa dëshirën tënde! 

Hane: Nuk është e vërtetë fjala siç thua ti! 

Rexhepi fajëson të bijën se ka kthyer fjalë duke mos i lënë atij hapësirë për ta mbrojtur. Hana ia kthen se ai ka vepruar pa e pyetur duke shkelur premtimin se thjesht do ta shihnin familjen duke e dorëzuar me një shtrëngim duarsh në rrugë. 

Hane: Ti në mes të rrugës ke dhënë fjalën, ke thënë “për hajër të qoftë!”, mixhës së ish-burrit tim. 

Eni Çobani: Kush është mixha i burrit? 

Hane: Sefedin Rexhepi. 

Eni Çobani: Kush ia ka dha dorën Sefedinit, Rexhepi? 

Hane: Rexhepi ia ka dhënë dorën Sefedin Rexhepit, gocën ta kam dhënë për çunin e vëllait, Jakup Rexhepin. 

Në vitin 2011, Hana u martua në Mikushnicë të Mitrovicës. I ati vazhdon të ngulmojë se ajo e dinte,  por Hana thotë se pranoi vetëm se tashmë gjithçka kishte marrë fund. 

Hane: Kur ka ardhur në shtëpi babai, më ka thënë “gocë, për hajër të qoftë se të kam fejuar”. I kam thënë si more baba e bëre këtë gjë ti? A prapë s’mendove ti që jam unë? 

Rexhep: Me dëshirën tënde, ishte dëshira jote, kemi biseduar bashkë. E kemi biseduar të dy bashkë, me ty dhe nënën tënde, e kemi biseduar. Këto janë akuza kot! 

Hane: Aty kam qenë unë me babain tim, me nënën time, me dy motrat e mia, njëra e fejuar e tjetra beqare dhe nuk ka pyetur asnjë, vetëm kokën e vet! 

Eni Çobani: Megjithatë ti pranove dhe shkove? 

Hane: Pranova për arsye se më dha, u krye çdo gjë, më fejoi babai. 

Eni Çobani: Dhe ti s’ia ktheje dot? 

Hane: S’ia ktheja dot.

Ka njerëz që e matin distancën me kilometra, por Mesnete Seitaj e mat me përkushtim.

Prej më shumë se 18 vitesh ajo ecën dy orë në këmbë çdo ditë, mes erës e shiut, diellit e dëborës, për të mbërritur aty ku e presin fëmijët e fshatit Novoselë, për t’i edukuar e rritur. Sot ajo këtë rrugë e bën për 7 fëmijët e vetëm të këtij fshati.

Edukatore Neti, siç e njohin banorët e zonës, tregon se kur pasioni është në krye, nuk ka vështirësi që mund të mposhtë misionin e saj.

“Po bëj rreth 18 vjet që jam në punë, ec dhe çlodhem. Kur është kohë e keqe, një orë shkoj, një orë kthehem, kur është kohë e mirë 45 minuta. Po tani fshati i ka të gjitha këto, rrugën, vështirësinë, por është kënaqësi kur mbërrin në vend, dalin fëmijët para dhe kënaqin. Kur sheh një fëmijë në shtëpi, të heq lodhjen, nuk dua ta di fare se jam në fshat. Është fëmija mbi të gjitha. Vështirësi të mëdha”, thotë Mesnete Seitaj.

Neti tregon se vitet e shpenzuara në Novoselë kanë bërë që të bëhet si banore e këtij fshati, edhe pse shpopullimi ka ndikuar.

“Vetëm shtëpia më mungon, me gjithë banorët njihem dhe për këtë nuk jam larguar. I falënderoj të gjithë. Jam bërë pjesë e fshatit. Unë kam fëmijë në kopsht e shkollë, kam 7 fëmijë këtë vit, kam pasur 10-15, ka rënë numri i fëmijëve”, thotë Mesnete Seitaj.

Mesnete Seitaj është gruaja heroinë, pasi është e vetmja në shtëpinë e saj që punon, me një bashkëshort me probleme shëndetësore. Ajo ka një thirrje për ata që duan të bëhen pjesë e mësimdhënies.

“Arsyeja është e madhe, është kënaqësia që gjysmën e ditës e kalon me fëmijët. Plus ekonomia. Jam e vetmja që punoj, bashkëshorti është në KEMP, në një farë forme, si gjithë nënat që përpiqen. Mos zgjedhin vendin ku do shkojnë, zgjedhin punën që të jetojnë, mos e shohin në thonjëza qiellin, por të ardhmen e tyre, prindërit, familjen”, thotë edukatore Neti.

Në fshatin ku heshtja është më e madhe se zërat e banorëve, edukatorja Neti ngelet britma e madhe e shembullit pozitiv, për të ushqyer me dije fëmijët e pakët të kësaj zone.

Ne emisionin Stop, u ndalen në rastin makabër të një vajze 23 vjecare nga Bulqiza, e cila sipas dëshmisë së saj, është dhunuar nga partneri i saj 24 vjec, Klejvis Metalla. Shkak për këtë situatë, u bë shtatzania e vajzës, e padëshiruar nga Klejvisi.

Ky i fundit nuk donte, që vajza ta mbante fëmijën, duke tentuar të bindë dhe familjarët e 23 vjecares, që ajo të abortonte në muajin e pestë ilegalisht në një klinikë në Fier.Por vajza iku, duke mos pranuar të abortojë.

Ditën e dhunës, në 27 janar në orën 15.30, vajza e re, bashkë me të vëllain 5 vjec, u gënjye dhe hipi në makinë me Klejvisin, pasi ky i fundit i kishte marrë pasaportën. Jashtë qytetit, në vendin e quajtur “gurët e Skënderbeut” Klejvisi ka ndluar makinën dhe ka zbritur vajzën, duke e goditur me shkelma në bark dhe në trup.

Më pas i ka marrë celuarin dhe është larguar në drejtim të Peshkopisë. Një kalimtar i rastit shoqëroi 23 vjecaren në Komisariatin e Bulqizës, ndërsa vëllain e saj të vogël e coi në shtëpi. Vajza mbërriti në polici gjithë fraktura dhe gjak, por nuk iu mor denoncimi, pasi polici Dashnor Disha, tha, se duhet të bëhej në Tiranë, ku banonte i riu.

23 vjecarja e dhunuar shtazërisht nga partneri dhe e braktisur, shkon me të ëmën në spitalin e Peshkopisë dhe mjekët njoftojnë policinë, që merr dhe denoncimin.

Të nesërmen Klejvis Metalla, 24 vjec, u shpall në kërkim, por ndërkohë ishte larguar jashtë Shqipërisë, përmes pikës kufitare të Bllatës. Sipas mjekut gjinekolog, që ka ndjekur rastin, shkaku i abortit, ka ardhur si pasojë e dhunës barbare, ndaj mjekët abortuan fëmijën, për të shpëtuar të renë.

Skandali thellohet, kur mësohet, se Prokuroria e Dibrës ka regjistruar vetëm procedimin penal për dhunë në familje, pa përmendur shkakun e humbjes së jetës së fëmijës 5 muajsh në barkun e vajzës së re. Ne kemi mundur të marrim edhe versionin e 24 vjecarit, Klejvis Metalla, i cili fillimisht shmanget e më pas akuzon vajzën si përdoruese droge. Por ai detyrohet të pranojë, se atë pasdite, ka marrë me makinën e tij vajzën dhe të vëllain dhe i ka cuar deri te “gurët e Skënderbeut”. Vec kësaj ekzistojnë edhe mesazhet, kur Klejvisi u kërkon familjarëe të vajzës, që ajo të heqë fëmijën. Burimi

Një familje prej 4 anëtaresh nga Shkafana e Durrësit jeton mes Shqipërisë dhe Italisë dhe po përballet me situata makabre. Vajza e kësaj familjeje denoncoi të atin Skënder Kurti për abuzim seksual me të, ndërsa jetonin të dy në Itali, në pritje për ardhjen e nënës dhe vëllait..

Në konfliktin mes Samiut dhe Mariusit në “Shihemi në Gjyq” ku babai i kërkon djalit të largohet nga shtëpia, shtohet edhe diçka tjetër: kontributi familjar. Samiu deklaron në rubrikën e së “Dielës Shqiptare” në Tv Klan se për të ndihmuar të birin të emigronte në Itali e Greqi se ka shitur 200 krerë bagëti”.

“Atë mall që patëm, ato krerë që patëm, 200 krerë dele, ik në Itali, urdhëro lekë, ik në Greqi, urdhëro lekë!”, u shpreh ai më herët. Ai i përmend  gjithashtu edhe martesën me ish-gruan e parë të birit duke thënë se e njohu në Facebook.

Mariusi pretendon se i ka sjellë të ardhura babait të tij, por ky i fundit  thotë se s’ka parë asnjë qindarkë. I vetmi kontribut nga Mariusi vjen nga puna në Shqipëri. 35-vjeçari i kthehet të atit duke thënë se po ia hedh poshtë të gjitha, por ai kërkon tokën dhe më pas do të largohet.

Marius: Doje bagëti, të bleva bagëti që ti të mos rrije kot! Të bleva bagëtitë, fol që aty ku je mos lëviz fare!

Sami: Ato bagëti i ka dhënë kjo djersa ore, kam marrë kredi! Asaj kredie i dola për zot, e lava dhe më ngeli ai mall! Punova, punova, ushqeva fëmijët, martova gocën, u martua tjetri, erdhi ky që u gënjye me  Facebook, më gjeti një që s’e meriton, tani unë çfarë faji kam? Çfarë të bëj unë more? Ku të shkoj unë, si t’i them gruas me diabetin 500?

Marius: Ata fëmijët kush t’i ka martuar ty?

Eni Çobani: Pse, ti i martove 35 vjeç? Po ti je i vogli!

Marius: Kam filluar punën që kalama fare! Ky që po m’i hedh poshtë të gjitha, edhe në Itali ke punuar,  s’ke prurë lekë, edhe në Shqipëri, ke punuar, nuk më ke prurë lekë!

Sami: T’i jap prapë ato lekë, ama në Itali jo njëherë lekë! Ama në Greqi, jo lekë!

Marius: Unë dua tokën, s’më intereson fare!

Mbaresa ka thirrur në “Shihemi në Gjyq” vëllanë, Festimin. Në insertin prezantues të rubrikës të së “Dielës Shqiptare” në Tv Klan, ajo drejtohet me fjalë të ashpra ndaj tij. Mbaresa thotë se nuk i fal asgjë vëllait të saj.

“Unë jam vajza e shtëpisë! Nuk më heq dot njeri mua nga trungu familjar, çdo gjë dua timen! Sot do ta shikosh ti se kush jam unë! Unë nuk do të të fal ty as diçka më të vogël!”

Në insertin e tij, Festimi tregohet po aq i vrazhdë. Ai thotë se motrat e vëllezërit janë gjakpirës dhe nuk do t’u japë gjë.

“Sot nuk ka vëllezër dhe motra, sot janë të gjithë gjakpirës! Çfarë më ka lënë nëna me testament, nuk do  t’u jap asgjë! Çdo gjë më përket vetëm mua! Ata që kërkojnë të marrin, vetëm këtë (tregon bërrylin), kanë për të marrë! Nuk dua t’ia di më për asnjë!”

Në studio, Mbaresa thotë se prej dy vjetësh, nuk e ka parë shtëpinë e nënës që në mars bën katër vite që ka ndërruar jetë. Kur hyn Festimi, ajo e pret ashpër.

Mbaresa: Ç’ma sillni atë surrat mua?

Ardit Gjebrea: Po prit se është vëllai yt.

Mbaresa: Le të jetë vëllai im ai, atë që ka bërë ky s’e ka bërë njeri!

Festim: Edhe këtu nuk po të mbyllet? Kam 4 vjet që dëgjoj këtë!

Sipas Mbaresës, ish-gruaja e të vëllait, Natasha nuk është kujdesur për të dhe s’i lejonte ta vizitonin. Festimi i thotë të mos përpiqet dhe se “ekizston kot”, kurse Mbaresa e mohon vëllanëë.

Mbaresa: Unë kam hequr pikat e zeza me këtë! M’u sëmur nëna, ajo nuk i dha një gotë ujë nënës! Si ka mundësi që unë tani, më vjen vëllai mua më flet me këtë gjuhë këtu? Si ka  mundësi më përjashton vëllai nga testamenti? Si ka mundësi?

Ardit Gjebrea: Kush nuk i dha një gotë ujë nënës?

Mbaresa: Ish nusja e vëllait se kanë  marrë edhe divorcin.  Ajo nuk e mbajti nënën!

Eni Çobani: Tani nuk e mbajti  nënën se u nda dhe i thua gjërat lirshëm apo më përpara kur ishte nuse ia ke thënë? Se tani edhe kjo puna e nuseve me kunatat është një problem i madh ti znj. Mbaresa, me gjithë respektin.

Mbaresa: Ne kur ishte nëna, shkonim te shtëpia e nënës.

Eni Çobani: Sa vajza ka nëna?

Mbaresa: Ne jemi tri  motra dhe tre vëllezër.

Eni Çobani: Po mirë, Natasha ka marrë Festimin, nuk ju ka marrë të tërë juve atje! Si, të tërë juve me  radhë te Natasha? Më vjen keq tani, Natasha mbante nënën, por s’është e thënë të viheshit në rresht ju tani.

Mbaresa: Na ka përzënë nga shtëpia të gjithëve, ne motrat e vëllezërit nuk shkojmë fare atje!

Festim: Ti mund të thuash çfarë të duash, ti bërtit dhe ulërit sa të duash, ti nuk fiton dot asgjë sepse nëna ty nuk të ka futur në testament! Ka mundësi ta mbyllësh dhe mos kërko asgjë?

Mbaresa: Nuk e meriton të të them unë vëlla për ty!

Festim: Për mua ti kot që ekziston, je kot këtu!

Mbaresa: Nuk të fal!

Festim: Ti je kot këtu!

Moderatori dhe degjuesit kanë mbetur te shokuar nga hallet e këtij pensionist i cili bën apel për ndidhmë..

Ai thote se kane punuar tërë jetën dhe marrin një pension qesharak. Zotëra thote se nuk kane femije qe ti ndihmojnë si dhe eshte i sëmure me ilace.

Kur moderatori e pyet si ia bëni, ai thote qe hamë vetëm makarona, na ngelen ne bark makaronat..

Degjoni videon me poshte..