Portali Shqiptari.Net

Category: Emigracion & DIaspora

  • “Amerika është punë-shtëpi”, Pas 17 vitesh në Amerikë, kthehet në atdhe: Këtu bëj 15 herë pushime në vit

    “Amerika është punë-shtëpi”, Pas 17 vitesh në Amerikë, kthehet në atdhe: Këtu bëj 15 herë pushime në vit

    Kreu i qeverisë, Edi Rama, ditën e sotme ka zhvilluar në Sarandë një takim me sipërmarrës të cilët kanë zgjedhur të kthehen nga emigrimi në atdhe dhe të investojnë në vendin e tyre.

    Një nga sipërmarrësit e pranishëm në takim ishte Romeo Dauti, i cili ishte kthyer në Shqipëri pas 17 vitesh qëndrimi në Amerikë. Dauti tha se Amerika është vetëm një fabrikë pune dhe i ftoi shqiptarët të kthehen në atdhe, pasi këtu mund ta bëjnë jetën sipas qejfit.

    Romeo Dauti: Unë jam Romeo Dauti, kam jetuar 17 vjet në Amerikë, pjesa më e bukur e jetës dhe jam kthyer para 10 viteve. Merrem me imobiliare dhe me ndërtim. Ka qenë shumë e vështirë kur flisja me njerëzit këtu.

    “Je i çmendur që je kthyer nga Amerika”, por ju betohem që kam punuar 18-19 orë. Po të punosh në Shqipëri aq orë, mund të marrësh shumë herë më shumë. Amerika është një fabrikë pune, punë-shtëpi, nuk e kuptojnë njerëzit.

    Këtu pinë kafe, bëjmë jetën si na do qejfi dhe iki 10-15 herë në vit me pushime. Këtu është një Amerikë e vërtetë, Amerikën e gjeta këtu. I bëj thirrje njerëzve të kthehen sepse këtu ka shumë opsione, shumë mënyra për të bërë sukses.

  • Pensionet me Italinë, zbulohen kategoritë që përfitojnë dhe rocedura që duhet të kryejnë qytetarët

    Pensionet me Italinë, zbulohen kategoritë që përfitojnë dhe rocedura që duhet të kryejnë qytetarët

    Dekretimi brenda pak javësh nga presidenti italian Sergio Mattarella, është hapi i fundit për njohjen e pensioneve për shtetasit e dy vendeve. Nga nisma pritet të përfitojnë rreth 500 mijë shqiptarë dhe rreth 4 mijë italianë. Zv/ministrja e ekonomisë Olta Manjani tregon procedurën që duhet të kryejnë qytetarët e të dyja vendeve për të përfituar nga kjo marrëveshje.

    “Një ndër nenet kryesore të marrëveshjes me Italinë është eksportimi i benefiteve, përfitimet e Niguruara në secilin shtet mund të eksportohen në shtetin ku ka rezidencën. Një shtetas shqiptar që jeton dhe punon në Itali mund ta bëjë aplikimin për lidhjen e pensionit në shtetin italian më pas shkëmbimi i të dhënave do të bëhet në mënyrë automatike ndërmjet institucioneve zbatuese që në rastin e Shqipërisë është Instituti i Sigurimeve Shoqërore dhe në Itali është IMS Italian. Kjo bëhet për të ulur koston pasi nuk do duhet përkthim noterizim dokumentesh pasi këto njihen në mënyrë automatike nga institucionet ligjzbatuese”, tha Olta Manjani zv.ministrja e Ekonomisë.

    Nga kjo marrëveshje do të përfitojnë edhe ata qytetarë që e kanë mbushur moshën e daljes në pension përpara disa vitesh, por janë përjashtuar nga marrja e pensionit për shkak të mosplotësimit të viteve të kontributeve, atij minimal prej 15 vitesh në vendin tonë dhe 20 vitesh në Itali.

    “Në shtetin shqiptar vitet minimale për të përfituar pension janë 15, Italia e ka 20. Nëse një shtetas shqiptar do të kishte 14 vite punë këtu, apo 19 vite punë në Itali, pavarësisht se në total do të kishte 33 vite punë nuk do të rrinte dot të përfitonte as pension në Shqiperi as në Itali. Në këtë rast nga 33 vite, 14 vite përfitohen nga skema shqiptare dhe 19 nga ajo italiane”, tha Olta Manjani.

    Pas Italisë një rëndësi e veçante po I kushtohet edhe njohjes së pensionve me shtetin grek, ku deri tani sipas zëvendësministres takimet teknike kanë rezultuar me sukses.

    “Vëmendja e marrëveshjeve të tilla është e përqëndruar në shtete ku ka prani të madhe të shqiptarëve, Greqia është një prej tyre ku kemi bërë dy takime në nivel teknik dhe në këto takime frytdhënese ka rezultuar që skemat tona janë shumë të përpurthshme”, tha Olta Manjani.

    Pas Italisë pritet të hyjë në fuqi marrëveshja me Malin e zi, Kroacinë, Bullgarinë, Poloninë dhe Serbinë. Aktualisht Shqipëria ka marrëveshje për njohjen e pensioneve me 13 vende të ndryshme.

  • Shqiptari bëhet viral në Itali me shpikjen e tij, prodhon këpucët që…

    Shqiptari bëhet viral në Itali me shpikjen e tij, prodhon këpucët që…

    Një këpucë që lidhet vetëm me një gisht, është ideja që lindi nga Alban Ajdini, një 39-vjeçar me banim në Manduria, Itali.

    39-vjeçari me origjinë shqiptare ka arritur që të marrë patenten nga Drejtoria e Përgjithshme për mbrojtjen e pronësisë industriale, shkruajnë mediat në Itali.

    “Quhet “Këpuca që lidhet me vetëm një dorë ose gisht” dhe është shpikur për t’iu ardhur në ndihmë personave me aftësi të kufizuar, por edhe për të ofruar një alternativë të vlefshme në situata emergjence.

    Lëvizja është nga më intuitivet: në vend të lidhëseve ka dy llastikë që vetëm me një gisht, fiksohen në kapëset që janë në anën e sipërme”, ka shkruar “La Repubblica”.

  • Pensionet në Itali/ Sa vite punë duhet të keni për të qenë përfitues

    Pensionet në Itali/ Sa vite punë duhet të keni për të qenë përfitues

    Me 129 vota pro dhe asnjë kundër, senati italian miratoi në seancën e djeshme plenare marrëveshjen për njohjen e kontributeve të sigurimeve shoqërore me Shqipërinë.

    Në punimet e seancës plenare të senatit italian ishte i pranishëm edhe ministri i Shtetit për Marrëdhëniet me Parlamentin, Taulant Balla dhe ambasadorja Anila Bitri.

    Shqipëria dhe Italia arritën më 6 shkurt të vitit 2024 marrëveshjen për njohjen e kontributeve të sigurimeve shoqërore.

    Nënshkrimi i marrëveshjes u bë në Romë nga ministri për Evropën dhe Punët e Jashtme, Igli Hasani si dhe ministri i Jashtëm i Italisë, Antonio Tajani.

    Finalizimi i kësaj marrëveshjeje ofron për shumë persona një siguri dhe një perspektivë pozitive për të ardhmen, ndërsa palët kishin rreth 15 vite që negocionin për të arritur këtë firmë, që garanton të drejtat e punonjësve shqiptarë në Itali apo të punonjësve italianë në Shqipëri për pensionet.

    Janë rreth 550 mijë shtetas shqiptarë dhe rreth 4 mijë shtetas italianë, nga zbatimi i së cilës do të sigurojnë bashkimin e periudhave kontributive, duke bërë të mundur që asnjë vit pune të mos humbasë. Senatorët italianë vlerësuan edhe mundin dhe kontributin e shqiptarëve në Itali, integrimin në shoqëri që prej mbërritjes në brigjet e Barit.

    Ata vlerësuan rritjen e ekonomisë shqiptare që u mundësoi sipërmarrësve italianë të punojnë përtej Adriatikut. “Marrëveshje të tilla janë të mirëpritura dhe vulosin miqësi të forta”, – deklaroi Ivan Scalfarotto, i Italia Viva-Il Centro Renew Europe.

    Relatori Bruno Marton, i Movimento 5 Stelle, argumentoi votën pro duke i quajtur shqiptarët vëllezër. Përfaqësuesi nga Fratelli d’Italia përshëndeti ministrin Balla, praninë e të cilit e konsideroi një dëshmi e një serie kontaktesh direkte mes Italisë dhe Shqipërisë.

    Koordinimi i sigurimeve garanton që personat, të cilët kanë punuar në të dyja shtetet, mund të bashkojnë periudhat e sigurimeve për të marrë pensione. Negociatat nisën më 2010 dhe përfshinë takime të shumta ndërmjet qeverive të të dyja vendeve, me vonesa për shkak të pandemisë. Marrëveshja është një hap i madh në sigurimin e të drejtave sociale të shqiptarëve që jetojnë dhe kontribuojnë në Itali, si dhe të italianëve në Shqipëri.

    PERFITUESIT

    Objekt i kësaj marrëveshje janë përfitimet nga skema shqiptare e detyrueshme e sigurimeve shoqërore që përfshijnë përfitimet për pension pleqërie, pension invaliditeti dhe pension familjar, sigurimin për përfitimin për sëmundjet dhe barrëlindjen dhe sigurimin e papunësisë.

    Marrëveshja garanton që asnjë qytetar të mos humbasë asnjë ditë kontribute, pavarësisht prej vendit ku ka punuar, duke mundësuar krijimin e kushteve ligjore për përfitimin e pensionit në të dyja vendet. Për të marrë pension në Itali duhen minimalisht 20 vite punë, ndërsa në Shqipëri duhen minimalisht 15 vite. Dhe me këtë marrëveshje të gjithë ata që nuk plotësojnë kushtin minimal të viteve të punës, kanë mundësi të përfitojnë sepse vitet e punës bashkohen. Ata që kanë 10 vite punë në Shqipëri, e më pas emigruan dhe bënë edhe 10 vite punë në Itali, do përfitojnë pension, duke marrë dy pensione: i pari nga Italia për aq vite punë që kanë atje dhe i dyti nga Shqipëria për vitet e punës që kanë bërë këtu. Pra secili shtet do të paguajë sipas viteve të punës respektive.

    SIGURIMET SHOQËRORE, MARRËVESHJET ME SHTETET E TJERA

    Që prej vitit 2005 e deri më sot, Shqipëria ka nënshkruar një sërë marrëveshjesh në fushën e sigurimeve shoqërore, ndër të cilat janë me Turqinë, Belgjikën, Hungarinë, Luksemburgun, Çekinë, Maqedoninë e Veriut, Gjermaninë, Austrinë, Bullgarinë, Kanadanë, Rumaninë, Kosovën, Konfederatën e Zvicrës dhe me Kroacinë.

    Pritet të hyjnë në fuqi edhe marrëveshjet me Malin e Zi e Bullgarinë, ndërsa janë në proces marrëveshjet me Poloninë e Serbinë dhe kanë shprehur dakordësi për fillimin e negociatave vende si Sllovenia, Spanja, Danimarka, Moldavia dhe Emiratet e Bashkuara Arabe.

    Qeveria është në proces të përparuar për marrje dakordësie për fillimin e negociatave me Francën. Ndërsa po punon për një marrëveshjeje edhe me Greqinë.

  • 9 vjeç flinte te stacioni i trenit, sot një nga picierët më të njohur në Itali! Shqiptari tregon kalvarin e vuajtjeve

    9 vjeç flinte te stacioni i trenit, sot një nga picierët më të njohur në Itali! Shqiptari tregon kalvarin e vuajtjeve

    Endrit Rustemi është një i ri shqiptar, i cili prej vitesh jeton dhe punon në Itali. Endrit Rustemi emigroi me nënën dhe dy motrat e tij në shtetin fqinjë, kur ishte vetëm 9 vjeç dhe sot ai është 33 vjeç dhe një nga picierët më të njohur në Itali.

    Sot në ditën botërore të picës, prestigjiozja italiane TGCOM 24 i kushton një artikull të veçantë picierit me origjinë shqiptare, Endrit Rustemi. Ai lindi në Fier në vitin 1991.

    33-vjeçari jeton në Brescia, ku dhe është martuar dhe ka dy vajza. Por jeta nuk ka qenë e lehtë, ai në fillim u zhvendos në Milano dhe së bashku me nënën dhe dy motrat flinin në stacionin e trenit. Më pas, falë ndërhyrjes së shërbimeve sociale, ai shkon të jetojë në një komunitet të miturish në Brescia, ku rritet dhe edukohet deri në moshën madhore.

    Si lindi dashuria për picën?

    “Mendoj se ishte e shkruar, ishte fati im, që kur isha i vogël në Shqipëri së bashku me gjyshen time kisha dëshirë të përgatisja brumin me aq sa mundësi kishim, sepse situata ekonomike ishte tepër e vështirë. Dhe menjëherë rashë në dashuri me ato brumëra, ato aroma, të njëjtat që gjeja dhe gjej çdo ditë tek picat. Pastaj më erdhi mundësia, pas 8 vitesh në një komunitet për të mitur për të punuar në një piceri në moshën 17-vjeçare. Një përvojë profesionale që më shënoi përgjithmonë”– tregon Endriti për TGcom24.

    Ai punoi për disa vite në piceri të ndryshme të Milanos derisa hapi biznesin e tij, i cili ka një sukses të madh në Brescia.

  • Aplikimet për lotarinë amerikane “DV-2026”, kushti kryesor që duhet të plotësoni. Keni kohë deri në..

    Aplikimet për lotarinë amerikane “DV-2026”, kushti kryesor që duhet të plotësoni. Keni kohë deri në..

    Edhe Ambasada e SHBA-ve në Shqipëri ka njoftuar se janë hapur aplikimet për lotarinë amerikane DV-2026.

    Në njoftim, ambasada thotë se aplikimet mbyllen më 5 nëntor, ndërsa kujton se mënyrë e vetme ku mund të bëhet aplikimi është faqja zyrtare: dvprogram.state.gov.

    Po ashtu, ambasada thotë se personat që do të aplikojnë duhet të kenë  mbaruar shkollën e mesme ose ekuivalentin e saj, pasi kjo është një kërkesë e padiskutueshme kualifikimi.

    Postimi i ambasadës

    Regjistrimi për Programin e Lotarisë Amerikane (DV-2026) hapet sot (më 2 tetor) dhe do mbyllet të martën, më 5 nëntor, 2024. Për më shumë informacion, klikoni: https://al.usembassy.gov/diversity-visa/

    Ju lutemi, vini re: dvprogram.state.gov është mënyra E VETME për të dorëzuar aplikimin tuaj. Sigurohuni të lexoni udhëzimet e programit dhe udhëzuesin për mashtrimet në: travel.state.gov/dv.

    Mos harroni: Të kesh mbaruar shkollën e mesme ose ekuivalentin e saj është një kërkesë e padiskutueshme kualifikimi.

  • “Nuk e gjeja veten, nuk e dija pse shkova” iku me llotarinë amerikane, Rezarta Reso tregon fillimet: Qava një vit se..

    “Nuk e gjeja veten, nuk e dija pse shkova” iku me llotarinë amerikane, Rezarta Reso tregon fillimet: Qava një vit se..

    Emri i Rezarta Resos të kujton menjëherë programin e famshëm për fëmijë e të rinj, “Libri, miku ynë” të cilin ajo e realizoi për 15 vite. Libri u duk se do ta ndiqte Rezartën përgjatë gjithë jetës. Ishte nëna e saj, shkrimtarja për fëmijë Ivoni Reso që e prezantoi fillimisht me të, më pas vijoi në fakultetin e Gjuhë-Letërsisë dhe nisi të përkthente, e më vonë shkroi librin e saj.

    Libri e ndoqi deri në SHBA ku Rezarta u vendos në vitin 1995 ku ende sot punon si bibliotekare. Emigracioni ishte një rrugëtim aspak i lehtë që ajo e rrëfen në “Rudina” në Tv Klan i cili filloi kur kishte arritur një status në karrierë, shoqëri dhe i duhej të kthehej në pikën zero.

    Rezarta Reso: Unë pata një tjetër rrugëtim. Familja ime ishte atje përpara. Në atë kohë filluan për herë të parë ato flukset post-komuniste që u hapën dyert e Evropës dhe Amerika nisi të zbatonte Diversity Visa Program që ishte lotaria dhe mua faktikisht më ra lotaria.

    Rudina Magjistari: Që atëherë të ra lotaria?

    Rezarta Reso: Po, më ra lotaria ndërsa prindërit e mi shkuan përpara, u bashkuam atje. Gjithçka ishte e vështirë, kam qarë një vit. Nuk e gjeja veten, nuk e dija pse shkova, çfarë do të arrija.

    Rudina Magjistari: Ajo që të udhëhoqi ishte thjesht ideja për t’u larguar.

    Rezarta Reso: Për t’u larguar, për t’u bashkuar me familjen. Amerika kishte qenë një ëndërr e ndaluar. Nuk është ashtu sepse Amerika vërtet ne e shikonim nëpërmjet filmave dhe televizionit, por është tjetër të jetosh dhe të fillosh një jetë atje nga fillmi. Është tamam ajo shprehja amerikane “të fillosh nga fillimi fare”, sikur s’ke pasur jetë tjetër përpara ndërkohë që unë kisha lënë 31 vjet pas në Shqipëri.

  • Lajm i mirë për marrjen e shtetësisë italiane

    Lajm i mirë për marrjen e shtetësisë italiane

    Për shtetasit jo-BE që jetojnë në Itali ose që mendojnë të lëvizin në vend, ka një lajm të mirë për marrjen e shtetësisë.

    Aktivistët kanë kërkuar një ndryshim në ligj për ta bërë më të lehtë për të huajt marrjen e shtetësisë me rezidencë. 

    Aktualisht, shtetasit jo të BE-së duhet të jetojnë në Itali për të paktën 10 vjet përpara se të kenë të drejtë për shtetësi sipas vendbanimit.

    Politikanët e opozitës dhe organizatat jofitimprurëse si Oxfam Italia kanë luftuar për ta ulur këtë në pesë vjet. 

    Të martën, ata njoftuan se kishin mbledhur mjaft firma për t’u kualifikuar për një referendum kombëtar. 

    Ndryshimet në ligjet e shtetësisë do të preknin 2.5 milionë të huaj

    “Ne ia dolëm! Në shumë pak ditë 500,000 qytetarë nënshkruan për Referendumin e Qytetarisë”, postoi në rrjetet sociale deputeti i opozitës Riccardo Magi.

    Kjo do të thotë që tani mund të kërkohet  një referendum kombëtar për të reduktuar kohën e kërkuar të qëndrimit nga 10 vjet në pesë.

    Përgjysmimi i kohës që shtetasit jo-BE duhet të jetojnë në Itali përpara se të kualifikohen për shtetësi, do ta sillte Italinë në linjë me vendet e tjera evropiane, duke përfshirë Gjermaninë, Francën, Portugalinë, Holandën dhe MB. 

    Që nga viti 1999, janë bërë disa sfida ndaj ligjit, por asnjëra nuk ka qenë e suksesshme. 

    Magi tha se aktivistët dhe ata që nënshkruan peticionin po bëjnë presion për “diçka të thjeshtë, pothuajse banale: ata që zgjedhin Italinë për të jetuar , studiuar, dashuruar dhe rritur, ata që imagjinojnë të ardhmen e tyre në vendin tonë, janë italianë”.

    “Dhe është vetëm hapi i parë drejt një ligji më të drejtë që njeh çdo vajzë, secilin nga djemtë e tyre si italianë”, shtoi ai.

    Edhe nëse kanë lindur në Itali, fëmijët e shtetasve jo-BE që nuk janë shtetas italianë nuk mund të aplikojnë për shtetësi deri sa të mbushin 18 vjeç. 

    Megjithatë, kur prindërit bëhen shtetas italianë , të miturve u jepet automatikisht shtetësia. 

    Kërkesa për një referendum duhet të miratohet tani nga dy nga gjykatat më të larta të Italisë me një pjesëmarrje prej 50 për qind të votuesve që rezultati të jetë i vlefshëm.

    Nëse miratohen ndryshimet në ligj, rreth 2.5 milionë të huaj do të kenë të drejtë për nënshtetësinë italiane, thanë aktivistët.

    Partia Vëllezërit e Italisë e kryeministrit Giorgia Meloni nuk është në favor të lehtësimit të rregullave aktuale.

    Partia e djathtë shihet të ketë një qëndrim të rreptë kundër emigracionit.

    Duke folur për mediat të martën, Meloni tha se ajo i konsideronte 10 vjet qëndrim “një periudhë të arsyeshme për nënshtetësinë” dhe pa “nuk ka nevojë të ndryshojë” ligjin.

    Si mund të marrin të huajt nënshtetësi italiane me rezidencë?

    Pasi të ketë kaluar periudha e kërkuar e qëndrimit , ose dy vjet pas martesës me një shtetas italian, shtetasit jashtë BE-së mund të bëjnë një aplikim online për shtetësi nëpërmjet Ministrisë së Brendshme italiane. 

    Aplikantët kanë nevojë për dokumente të shumta, duke përfshirë përkthimet, për procesin.

    Këto përfshijnë një kopje origjinale të certifikatës suaj të lindjes të përkthyer dhe të vërtetuar, të dhëna kriminale nga vendet ku keni aktualisht nënshtetësinë, vërtetim të rezidencës në Itali dhe një certifikatë të njohjes së gjuhës B1. 

    Aplikimi kushton 250 €.

  • Llotaria Amerikane DV-2026, data kur fillojnë aplikimet

    Llotaria Amerikane DV-2026, data kur fillojnë aplikimet

    Lotaria amerikane DV-2026 kur nisin aplikimet kete vit?

    Edhe pse ende nuk ka nje date yzrtare nga departamenti i shtetit amerikan, si zakonisht aplikimet per llotarine amerikane behen javen e pare te tetorit.

    Programi DV-2026: Periudha e regjistrimit në internet për Programin DV-2026 fillon javen e parë të tetor 2024 dhe zgjat deri javen e parë te nentor 2024.

    Data per aplikimet e Llotaria amerikane DV-2025 ishte 5 tetor deri ne 7 nentor.

    Aplikimi behet online ne faqen zyrtare https://dvprogram.state.gov/ dhe eshte falas.

    Per keshilla dhe sugjerime vizitoni faqen Lotaria Amerikane ne Facebook

  • Nga artist në pjatalarës në Amerikë, humoristi shkodran Sandër Ruçi tregon sfidat e emigrimit në moshën 52 vjeçare..

    Nga artist në pjatalarës në Amerikë, humoristi shkodran Sandër Ruçi tregon sfidat e emigrimit në moshën 52 vjeçare..

    Artisti i madh shkodran Aleksandër (Sandër) Ruçi ishte i ftuar i radhës në Quo Vadis të moderatores Pranvera Borakaj në Vizion Plus.

    Sandri rrëfeu jetën e tij nga nisja e karrierës si aktor, e deri te emigrimi në Amerikë. Ai tha se ishin bashkëatdhetarët shqiptarë ata që këmbugëlën që ai të shkonte e të jetonte në SHBA pas një turneu që artistët shkodranë zhvilluan atje.

    Pjesë nga biseda:

    Ruçi: Në 2011 pasi ranë kullat, ne na u bë një ftesë, mua dhe Zylit të shkonim në nderim të viktimave të 11 shtatorit. Ne shkuam dhe na pritën në mënyrë…nuk di çfarë të them. Se ishte dhe koha që nuk shkonin dhe vinin shumë artistë. Malli ishte i madh, na pritën në mënyrë të përsosur. Aty ishte impakti i parë dhe shumë miq e dashamirës më thanë “pse s’vjen”. Ku të vij, i thashë, unë kam shtëpinë, familjen, punën.