Shqiptari.net.

Rrëfimi i Valmirës në “Ka Një Mesazh Për Ty” nis me sfidën për t’u bërë nënë. Ajo tregon në rubrikën e së “Dielës Shqiptare” në Tv Klan se pas 8 viteve martesë, fëmija nuk po vinte ende. Në këto rrethana, u konsultuan për metodën e fertilizimit artificial por mjekët i dhanë fare pak shpresë.

Edhe pse bashkëshorti ishte gati që të sakrifikonin sa të shisnin edhe shtëpinë për të përballuar shpenzimet, Valmira nuk pranoi. Pikërisht në momentin që nisën procedurat për të birësuar një fëmijë, erdhi një lajm i lumtur.

Valmira: Unë kisha bërë shumë përpjekje për të pasur një fëmijë pas 8 viteve martesë dhe të gjithë aty në lagje e dinin punën time.

Ardit Gjebrea: Po pse duhet ta dinin të gjithë në lagje?

Valmira: Kisha shumë vite që unë kërkoja për një fëmijë. Kisha bërë të pamundurën dhe m’i kishin prerë të gjitha shpresat.

Ardit Gjebrea: Çfarë kishe bërë meqë thua kisha bërë të pamundurën?

Valmira: Vizita pafund, vajta për “in vitro” dhe ato më dhanë shumë pak shpresa, 35% dhe im shoq ishte pro, por unë kundër.

Ardit Gjebrea: Pro në ç’kuptim?

Valmira: Që donte ta bënte këtë gjë.

Ardit Gjebrea: Me “in vitro”?

Valmira: Po. Unë nuk pranova, thashë jo. Jo vetëm për koston, por ngaqë mua më dhanë shumë pak përqind.

Ardit Gjebrea: Po, 35% është shumë pak.

Valmira: Donim të arrinim në atë pikë që të shisnim edhe shtëpinë për të arritur këtë gjë dhe unë thashë jo sepse kishte ditë, kishte muaj që kishim ngelur edhe pa bukë në shtëpi duke u marrë me shumë shpenzime për të ardhur në jetë një fëmijë dhe pa rezultat.

Ardit Gjebrea: Të shisje shtëpinë?

Valmira: Po. Një ditë vendosëm të shkonim në jetimore të dy për të birësuar një fëmijë. Në proces e sipër të dokumenteve unë marr vesh që isha shtatzënë. Ishte diçka komplet e papritur. Çdo gjë është e lidhur me trurin. Në momentin që unë qetësova trurin që ne do të bëjmë këtë hap, Zoti më bekoi me një djalë.

Ardit Gjebrea: Më shuaj një kureshtje. E kishit gjetur edhe fëmijën se kë do të merrnit?

Valmira: Jo, mua kjo pak a shumë më vret më shumë sepse mua më duket sikur një fëmijë tjetër e kam lënë atje, nuk e kam marrë.

Ardit Gjebrea: Por nuk e kishit përcaktuar fëmijën?

Valmira: Jo, akoma.

Valmira sot është nënë e një djali, 10 vjeç dhe një vajze, 2 vjeçe.

Në një botë që po evoluon me shpejtësi të paimagjinueshme, ku teknologjia ripërcakton jetën e përditshme dhe shkenca përmbys faktet, Bill Gates thekson katër kërcënime që nuk duhet t’i injorojmë.

Kriza klimatike, zhvillimi i pakontrolluar i inteligjencës artificiale, lufta bërthamore dhe përhapja e sëmundjeve janë, sipas tij, sfidat më të mëdha me të cilat duhet të përballen brezat e rinj.

E megjithatë, pavarësisht hijes së këtyre rreziqeve, Gates ruan optimizmin e tij. Ai beson se përparimi njerëzor, inovacioni dhe veprimi kolektiv mund të na çojnë drejt një të ardhmeje më të mirë.

Ekuilibri midis shqetësimit dhe shpresës bëhet çelësi i një bote në ndryshim, ku njerëzit përballen me sfida ballë për ballë, duke kërkuar zgjidhje dhe mundësi për një të nesërme më të ndritshme.

“Ka, ju e dini, rreth katër ose pesë gjëra që janë shumë të frikshme, dhe e vetmja që e kuptoja me të vërtetë dhe për të cilën isha shumë i shqetësuar kur isha i ri ishte lufta bërthamore,” tha Gates në një intervistë me Patrick Collison.

“Sot mendoj se do të shtojmë ndryshimet klimatike, bioterrorizmin/pandeminë dhe ruajtjen e kontrollit të inteligjencës artificiale në njëfarë forme”, tha Gates.

Gates gjithashtu e përshkroi polarizimin social si një problem, duke shtuar: “Brezi i ri duhet të ketë shumë frikë nga këto gjëra”.

Kjo nuk është hera e parë që Gates identifikon këto aspekte shqetësuese. Në një postim në blog të vitit 2023, Gates përmendi se me rritjen e familjes së tij, u rrit edhe dëshira e tij për të përmirësuar botën.

“Një nip të bën të mendosh se si do të sigurojmë që e ardhmja të jetë më e mirë – politikë, shëndetësi, klimë, etj.”, shkroi ai.

Gates argumentoi se shoqëria vuan nga mungesa e inteligjencës. Por ai beson se inteligjenca artificiale mund të jetë një zgjidhje, jo një problem.

Edhe pse disa kanë paralajmëruar për potencialin kataklizmik të Inteligjencës Artificiale, Gates beson se ajo mund të shfrytëzohet në mënyrë produktive.

“Ne nuk kemi aq shumë mjekë specialistë, njerëz që mund të mbajnë gjurmët e gjithçkaje, ose njerëz që mund të japin mësime matematike në qendër të qytetit,” tha Gates. “Dhe ne kemi mungesë të inteligjencës, dhe kështu ne përdorim këtë sistem tregu për ta alokuar atë. Inteligjenca artificiale, me kalimin e kohës – dhe njerëzit mund të debatojnë për kornizat kohore – do ta bëjnë inteligjencën në thelb të lirë”.

Pavarësisht sfidave, Gates tha se ai ende beson se qytetarët e së ardhmes do të jenë kryesisht më mirë – nëse përballen me rreziqet.

“Nëse nuk i zgjidhim disa nga këto probleme të mëdha, gjërat do të jenë shumë më mirë”, tha Gates. “Alzheimeri, obeziteti, e dini, do të kemi një kurë për HIV-in, do të kemi hequr qafe poliomielitin, fruthin, malarinë. Ritmi i inovacionit është më i madh sot se kurrë më parë.”

Ndërsa frika shpesh mund të jetë paralizuese, Gates beson se mund të jetë një forcë lëvizëse për brezat e rinj.

Klajdi Malaj është 19-vjeçari shqiptar i cili humbi jetën nga aksidenti i rëndë i ndodhur në Itali.

Ngjarja e rëndë ndodhi pak pas mesnate në Bari dhe në aksident u përfshinë tre makina.

Viktimë mbeti edhe një 44-vjeçar, Filippo Nettis, ndërsa shoferi i makinës tjetër shpëtoi pa lëndime.

Sipas mediave fqinje, i riu shqiptar ndërroi jetë në vendin e ngjarjes, ndërsa 44-vjeçari në spital.

Karabinierët po punojnë për të përcaktuar shkaqet e aksidentit të rëndë.

Për javën që presim përpara vendi ynë do të ndikohet nga kushte atmosferike kryesisht të paqëndrueshme për shkak të masave ajrore në qarkullim relativisht të lagështa. Kjo situatë vjen si rrjedhojë e disa qendrave të presionit të ulët që kanë përfshirë një pjesë të madhe të Evropës.

Në këtë mënyrë moti për pjesën më të madhe të ditëve parashikohet me vranësira mesatare dhe të dendura (pra mot kryesisht i vranët) edhe pse nuk do të mungojnë orët me kthjellime (diell).

Vranësirat e dendura do të shoqërohen me reshje shiu të herëpashershme me intensitet të ulët për pjesën më të madhe të këtyre ditëve duke bërë një përjashtim këtu për ditën e Enjte ku përgjatë ultësirës perëndimore reshjet hera-herës do të jenë me intensitet deri mesatar. Reshje shiu me intensitet deri mesatar do të ketë edhe në orët e pasdites dhe mbrëmjes në zonën e veriperëndimit ditën e Mërkurë.

Temperaturat përgjatë këtyre ditëve do të jenë brenda vlerave “normale” për periudhën që ndodhemi ndërsa në orët e mesditës për shkak të erës nga kuadrati i jugut në ditë të caktuara ato pritet të arrijnë deri në 18 apo 19 gradë celsius.

Një police 53-vjeçare transgjinore, është rrahur me shkelma dhe grushta nga klientët e një klubi në Trento.

Sulmi, raporton shtypi lokal, ndodhi në orën 3 të mëngjesit të 15 shkurtit.

Oficeri u ofendua nga tre ultras të rinj që ndodheshin në klub dhe u përgjigj me një shuplakë, dhe më pas filloi rrahja e dhunshme.

Efektivja e policisë arriti të largohej nga klubi dhe shkoi me makinë në urgjencën e spitalit Santa Chiara, ku mori 18 qepje.

Sulmuesit besohet të jenë ultras të një baze të dhunshme tifozësh të ekipit lokal të futbollit.

Tre banorë të rinj i janë bashkuar shtëpisë së Big Brother Albania VIP 4.

Riki, këngëtar dhe ish-konkurrent i “The Voice of Albania”; Shkëlzeni, 29 vjecc nga Tropoja, sipërmarrës, mjek, stomatolog; Mikela, 26 vjecc, jeton në Itali prej shumë vitesh, blogere. Të tre ata pritet të rrisin dinamikat brenda në shtëpi.

Mikela tha se i pëlqen Laerti dhe se nuk i pëlqen Kelly. Shkëlzeni nga ana e tij tha se i pëlqen Gjesti dhe Egli, ndërsa ai që nuk i pëlqen është Vserlo. Për Rikin, i preferuari i tij është Gjesti, ndërsa më pak i preferuari dhe për të është Vserlo.

Nga “valixhja e tundimeve”, Gjesti kishte dy zgjedhje për të bërë.

E para ishte për të vendosur dy banorë të shtëpisë si një lojtar i vetëm deri në një moment të pacaktuar. Valbona dhe Laerti ishin zgjedhja e Gjestit, teksa të dy banorët do të jenë një lojtar i vetëm nga ky moment.

Sa i përket vendimit të dytë, Gjesti duhet të fuste në garë 7 ish-konkurrentë, nga të cilët tre do të mund të rikthehen sërish në shtëpi me anë të një televotimi.

7 ish-banorët që Gjesti zgjodhi ishin: Klajdi, Krisa, Redoni, Gerti, Amber, G Bani dhe Jozi.

Nga sot deri të martën publiku do të zgjedhë me televotim vetëm tre prej tyre që të mund të hynë ne shtëpi.

Pas televotimit të fundit, banorja që ka lënë shtëpinë e Big Brother Albania VIP 4 është Livia, në përballjen e saj kokë më kokë me Loredanën.

Pas nominimit të bërë nga dy opinionistët, të dyja banoret u cilësuan si më të rrezikuarat nga grupet e tyre.

Televotimi bëri të mundur që Loredana të vazhdonte garën e saj, teksa Livia mbyll këtu rrugëtimin e saj në BBVIP 4.

Sipas sinoptikanes Tanja Porja, mesditen e nesërme priten vranësira si dhe reshje te pakta ne jug dhe ne qendër. Po ashtu ditën e hënë priten reshje lokale dhe reshje dëbore në zonat malore.

Nderkohe nga e marta e në vijim Moti, pritet të jetë i paqëndrueshëm edhe pse i ngrohte por me reshje te herepashershme.

Për më tepër ndiqni videon më poshtë..