Një situatë e çuditshme ka ndodhur në ”Big Brother Albania Vip 4”.
Gjesti është hedhur nga muri dhe ka dalë jashtë shtëpisë.
Rrjeti po zien nga kjo ngjarje e cila ende nuk është faktuar me video, por më pas u pa që Gjesti është në dhomën e gjumit në gjendje të rëndë.
Ai është rikthyer brenda në shtëpi nga Vëllai i Madh, pasi është siguruar se gëzon shëndet të plotë
Vëllai i Madh ka dërguar në shtëpi një zarf të zi për Gjestin lidhur me këtë situatë. Se cili është vendimi i marrë për të do na duhet të presim deri në prime të shtunën.
Rania Zeriri, një yll holandez i muzikës pop, u gjet në Mercogliano, një zonë e Avelinos në Itali, ku jeton si e pastrehë.
Administrata komunale ka nisur nga puna për ta ndihmuar 39-vjeçaren, ndërsa kryetari i bashkisë, Vittorio D’Alessio, shkruan në Facebook se artistja është e sigurt.
“Po mundohemi të ndihmojmë këngëtaren e re holandeze, e cila ndodhet në vështirësi”, tha kryebashkiaku, në një postim të shoqëruar me një foto ku Zeriri shihet e ulur në anë të rrugës dhe me disa çanta, gjë e cila vjen pas vdekjes së nënës së saj.
Kryebashkiaku shpjegoi se ai është në kontakt me ambasadën holandeze, së cilës i shpjegoi situatën e këngëtares.
Ndërkohë, psikologja Michela Bortugno, nga shërbimet sociale italiane, ndodhet pranë artistes, shkruan tgcom24.
“Tashmë kemi marrë disponueshmërinë e një ambienti në Mercogliano, në të cilin Rania mund të strehohet. Ne do të bëjmë gjithçka që mundemi për të vazhduar ta ndihmojmë atë”, shkruhej në postimin e kryebashkiakut.
Qytetarët të cilët janë ofruar që ta ndihmojnë thanë se ajo thotë se flet me Zotin dhe se nuk pranon ndihmën e askujt.
Miqtë holandezë të Ranias gjithashtu kanë nisur me thirrjet për të ndihmuar këngëtaren, ndërsa deputeti italian, Francesco Emilio Borrelli, premtoi se do të vepronte si ndërmjetës me ambasadën holandeze në mënyrë që ajo të mund të kontaktonte sërish me familjen e saj.
Rania Zeriri i hodhi hapat e parë në karrierën si këngëtare në spektaklin e muzikës në Gjermani, Deutschland sucht den Superstar 2008 (DSDS), ku përfundoi në vendin e pestë dhe më pas filloi të fitonte një famë akoma më të madhe në Holandë dhe Gjermani.
Historia e saj ngjason me atë të ikonës së muzikës shqiptare, Parashqevi Simakut, e cila disa muaj më parë u gjet në një stacion treni në SHBA, e cila më pas u kurua në një spital psikiatrik dhe tani ka lënë pas çdo moment të vështirë.
Rreth 10 ton mandarina me pesticide që i ndaloi Kroacia në muajin dhjetor janë shitur në treg për konsumatorët shqiptarë.
Në këtë konkluzion ka dalë policia e Beratit e cila ka arrestuar tre persona që i cilëson përgjegjës. Ata janë fermeri Elton Tafa, grumbulluesi Arben Dyli dhe veterineri Elson Tahiraj.
Nga shkelja e rregullave mbi lëndët helmuese, tek Prodhimi dhe shitja e ushqimeve dhe e lëndëve të tjera të rrezikshme për shëndetin ose jetën e njerëzve, Mashtrimi me produktet ushqimore” dhe “Shpërdorimi detyrës”, janë katër veprat penale të cilat rëndojnë mbi këta persona.
Nga hetimet e prokurorisë së Beratit dyshohet se fermeri shtetasi Elton Tafa i ka shitur Arben Dylit administratorit të një pike grumbullimi 10 ton mandarina të cilat më pas pika e grumbullimit i ka eksportuar drejt Kroacisë. Por kur autoritetet kroate kryen analizat e nevojshme rezultoi se sasia e mandarinave kishte përmbajtje të lartë të pesticidit “Fosmet”, pesticid ky i dëmshëm për shëndetin dhe i ndaluar për t’u përdorur.
Në këto kushte ngarkesat me mandarina u kthyen mbrapsht në vendin e origjinës. Prokuroria thotë se ngarkesa u tërhoq nga Arben Dyli me qëllim që të asgjësohej, por ka dyshime të forta se këtë sasi mandarinash të dëmshme për shëndetin ai e ka hedhur sërish në treg.
Në këtë pikë dyshohet se e ka ndihmuar inspektori i Drejtorisë Rajonale të Veterinarisë dhe mbrojtjes së bimëve Elson Tahiraj, i cili dyshohet se ka shpërdoruar detyrën duke lëshuar certifikata fitosanitare fiktive për subjekte të ndryshme, mes tyre edhe për 10 ton mandarinat e Arben Dylit, të cilat duhet të ishin asgjësuar.
Dyshime për hedhjen në treg të mbi 21.000 kg mandarina me pesticide, arrestohen me kërkesë të prokurorisë Berat fermeri, grumbulluesi dhe inspektori
Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Berat, u arrestuan shtetasit E.T., A.D. dhe E.T. për veprat penale të ‘Shpërdorimit të Detyrës’, ‘Shkelje të rregullave për lëndët helmuese‘, ‘Prodhim dhe shitje të ushqimeve dhe lëndëve të rrezikshme për shëndetin apo jetën e njerëzve‘ dhe ‘Mashtrim me produktet ushqimore‘ të parashikuara nga nenet 281, 288 dhe 288/c të K. Penal.
Nga hetimetnëkuadërtëprocedimit penal nr.768 mbi bazën e kallëzimit të bërë nga Autoriteti Kombëtar të Ushqimit, Drejtoria e Përgjithshme Tiranë pas refuzimit në Kroaci të 21593 kg mandarina klementine të dyshuara me pesticide fosmet, rezultoi se produkti ështëblerë nga fermerët e qarkut Berat dhe Sarandë.
Nga analizat,u konstatua se tek kjo sasi mandarinash kishte mbetje pesticidi “Fosmet” mbinormën e lejuar (0.075 mg/kg -vleraelejuar ≤ 0.01 mg/kg). Në një kohë kur ky pesticid është hequr nga përdorimi nga viti 2022 dhe nuk lejohet të përdoret.
Konsumimi i një fruti që përmban mbetje të fosmetit mbi nivelet e lejuara mund të sjellë pasoja për shëndetin e njeriut, veçanërisht nëse ekspozimi është i përsëritur,pasi fosmeti është një kimikat toksik.
Nga hetimetrezultoi se procedura e kthimittëproduktittëpasigurt, ështëbërë pa dijeninë e AKU dhefermeri E.T.tha seka asgjësuar produktin e kthyer nga operatori i biznesit ushqimor në një vend të paidentifikuar.
Vetë fermeri pretendoi se e kishte hedhur mallin në landfillin e Bashkisë Dimal kundër kohëngakëqyrjarezultoi se nuk kishte asnjë mbetje produkti.
Gjithashtu në deklarimin e dhënë në AKU sipas procesverbalit të konstatimit rezulton të ketë deklaruar se e ka hedhur mallin në kanale të rastësishme.
Ndërkohë, punonjësii DRVMB Berat inspektoriE.T.,nëlidhje me këtërast, ka deklaruar se punonprej 5-vitesh në këtë pozicion dhe ka për detyrë të monitorjë bimët dhe të lëshojë certifikatat fitosanitare.
Ai deklaroi se ka shkuartekfermeri pas ngritjessëgrupittëpunësdhe se mostrati ka marënëpemëtekfermeri.
Por duke qënë se është personi përgjegjës i cili certifikon mallrat për eksport, ka deklaruar se ka pasur raste që i dërgonte bosh certifikatat te ksubjekti dhe vetë subjeti i plotësonte dhe ja dërgonte të plotësuara me foto dhe ai më pasi regjistronte në databasën e DRVMB.
Hetimet vijojnë në bashkëpunim edhe me AKU tiranë për të nxjerrë përgjegjësitë nga punonjësit e DRAKU&DRVMB Berat.
Ka disa lloje fjalish, 6 në veçanti që njerëzit negativ, ose toksikë, siç quhen shpesh, i përdorin për të ulur vetëbesimin tek të tjerët.
“Nëse kjo është negativitet, mizori, sindrom i viktimës ose çmenduri e pastër, njerëzit toksikë e nxisin trurin tuaj në një gjendje stresi që duhet të shmanget me çdo kusht”. (Travis Bradberry, Ph.D., Autore e Inteligjencës Emocionale)
Për psikologjinë, shumica e njerëzve toksikë posedojnë një ose më shumë nga tiparet e mëposhtme:
Njerëzit toksikë janë manipulues
Ata gjykojnë
Nuk marrin asnjë përgjegjësi për gabimet dhe ndjenjat e tyre
Ata nuk kërkojnë falje
Janë kundërshtues
Ata ju bëjnë të pasigurt
Ju kthejnë në armik të vetes tuaj
Sjellje të dënueshme, prej të cilave distancohen nga vetja që të mos mbeten të burgosur të negativitetit të tyre. Njerëzit toksikë njihen për të projektuar pasiguritë e tyre dhe vetëbesim të ulët ndaj të tjerëve. Nëse njihni një person toksik, është thelbësore që ju të kuptoni se asgjë që ai thotë se nuk duhet të merret për bazë në lidhje me personin. Në realitet, njerëzit toksikë janë të pakënaqur dhe, për ndonjë arsye të pakapshme, përdorin të tjerët në një përpjekje të kotë për t’u ndjerë më mirë.
Ndërsa një individ toksik mund të kontaminojë mjedisin në të cilin lëviz edhe duke heshtur për negativitetin e tij, disa shprehje në veçanti e zbulojnë atë. Frazat e përbashkëta për të gjithë njerëzit me një shkallë të lartë toksiciteti janë:
1- “Po bëhesh dramatik”
Me këtë fjali, një person toksik i bind njerëzit rreth tij që të besojnë se ata janë përgjegjës për situatën aktuale. Dëmi i vetëvlerësimit, kur ju jeni emërtuar mbretëresha e dramës, është i fortë, por manipulimi prapa skenave është jashtëzakonisht negativ. Përmes kësaj fraze shanset e një personi toksik për të lënduar viktimën e tij janë shumë të larta. Veçanërisht nëse është një popull i shqetësuar dhe delikat.
2- “Ju nuk e dini se për çfarë po flisni”
Askush nuk pëlqen që ajo që ai thotë të merret si marrëzi. Fraza si “Ju nuk e dini se për çfarë po flisni …”, lëshojnë disa ndjenja negative që krijojnë shkelje, siklet. Është shumë e mundshme që personi toksik, i cili e përdorë atë, po përpiqet të dalë nga një problem dhe të mbrohet në këtë mënyrë, duke neutralizuar tjetrin.
3- “Është faji juaj”
Epo, ndoshta nuk është faji juaj fare për çfarëdo qoftë. Por edhe nëse do të ishte, nuk do të bënte ndonjë ndryshim të madh. Çfarë do të thotë kjo? Nga pikëpamja e një personi toksik, çdo lloj “fyerje” është një lojë që do të përdoret si municion. Në fund, ky manipulim bie në vesh të shurdhër, por jo para se dikush të lëndohet.
4- “Ti thjesht je i pasigurt”
(Loja e inkorporimit të fajit vazhdon.) Një person i nderuar nuk ushqehet me frikën dhe ankthin e dikujt. Por përsëri, një person toksik nuk është aspak i nderuar. Përveç se tregon një shkelje të qartë të respektit, në këto katër fjalë ka shumë ironi. Ai kurrë nuk do ta pranojë, por ai vetë është i pasigurt.
Me pak fjalë: është duke projektuar dhe nuk mund të dijë mënyra të tjera për ta shprehur atë, pamjaftueshmërinë e saj. Kjo nuk justifikon, sigurisht, mospërfilljen totale që ushqen për vetëbesimin e të tjerëve.
5- “Unë nuk dua të jem mik …”
Ato janë fjalë të përdorura si kërcënim, si një ultimatum që të detyron të mos e lëshosh. Askush me sens të përbashkët dhe vetëbesim nuk do t’i thoshte këto fjalë për ta mbajtur një person të lidhur.
6- Ju jeni një …. (ofendime të ndryshme)
Ju jeni budallenj “,” Ju jeni të pavlerë “dhe” Ju jeni një humbës “janë tre nga frazat e zgjedhura zakonisht nga njerëzit toksikë. Nëse do të merrni këto fjalë ofenduese, dije se ato nuk kanë të bëjnë me ty. Siç u përmend më lart, personi toksik po ju përdor si një bord bërthamor për atë që ndodh në kokën e tij.
Nuk është për t’u habitur që njerëzit toksikë kanë tendencë të kenë një bërthamë narcisiste. Kur agresioni pasiv (ose teknika të tjera manipuluese) dështon, ato nganjëherë kthehen në abuzime verbale të modës së vjetër.
Zakonisht, kjo ndodh nga një ndjenjë e dëshpërimit kur ata nuk mund të marrin atë që duan. Injorojini ata. Tregohuni indiferent dhe do t’i shihni ata të ndalen dhe të largohen nga pozicioni i tyre. /revistaPsikologjia/
Kris Dayanti e cila njihet si diva indoneziane në muzikë ka kaluar ditë të vështira. Ajo ka humbur menaxheren e saj që e ndiqte në rrugëtimin në muzikë prej më shumë se 3 dekadash.
Edhe pse nuk është një artiste e njohur ndëkombtarisht, postimi i këngëtares në rrjetet sociale ka tërhequr vëmendjen nga e gjithë bota.
Në postimin e lamtumirës, këngëtarja ka publikuar foto krah trupit të pajetë të menaxheres së saj, ku shkruan:
“Faleminderit që ishe me mua që nga hapat e parë në vitin 1993… deri tani, duke të lënë të shkosh. Por do të mbetesh gjithmonë në zemrën time për punën dhe dashurinë tënde të madhe. Të dua. Pusho në paqe“.
Senada dhe Serena Mullaymeri, 17 dhe 19 vjeçe, jetonin në një shtëpi në Kamëz së bashku me nënën dhe babain deri kur humbasin të atin në një aksident. Në atë kohë i ndjeri, Lavdi Mullaymeri kishte filluar procedurën për legalizimin e shtëpisë, por e veja së bashku me dy vajzat detyrohen të largohen nga shtëpia e tyre.
Gjyshja dhe xhaxhai nuk i lejojnë të futen në shtëpi jetimet duke i sharë e ofenduar e duke i kërkuar të gjejnë shtëpi me qira. Por në audioregjistrime dëgjohet qartë se ata që fyejnë e kërcënojnë janë gjyshja dhe xhaxhai i vajzave. Vajzat e kanë denoncuar rastin në emisionin “Stop” në Tv Klan.
Gazetarja: Dhe mamanë e tyre e keni nxjerrë jashtë.
Xhaxhai: Jo, nuk e kam nxjerrë jashtë. Jo, nuk është e vërtetë. Ka ikur me dëshirën e saj.
Gjyshja: A e qërova tët’ ëmë, që s’po vjen më? A e qërova? E ngopa shpirtin.
Xhaxhai: E ëma mbushi mendjen vetë, ka ikur vetë.
Që në momentin që vajzat kanë shkelur në shtëpi, xhaxhai u ka thënë “pse nuk më pyete që solle rrobat?” pasi vajzat qëndruan për dy vite në konvikt. Gjyshja i ofendon vazhdimisht dhe u thotë se siç përzuri nënën e tyre, do të veprojë edhe me to.
Gjyshja: Një avaz, shushkat e derrit, shushka. u treguat budallaçka në këtë dynja. Ma tha dhe djali dhe më la mua këtu, s’të la ty.
Vajza: Ma la mua, motrës, mamit…
Gjyshja: Të la një m*t të hash!
Madje gjyshja ka marrë dhe urdhër mbrojtjeje ndaj njërës prej motrave me pretendimin që e ka ofenduar.
Xhaxhai iu ka lënë vajzave afat për të dalë nga shtëpia.
Xhaxhai:Duhet të dilni nga shtëpia!
Mbesa: Pse të dalim?
Xhaxhai: Po ju them unë. Shtëpia është mbi mua, çdo gjë. Ju lashë një javë kohë. Gjeni shtëpi me qira, ose ndryshe, do flasim ndryshe! Jot ëmë dhe ai…dhe talleni dhe juve. Se ju kap e ju shqyej një nga një, mbaje mend!
Një sëmundje misterioze i’u ka marrë jetën më shumë se 50 njerëzve në Republikën Demokratike të Kongos vetëm disa orë pas fillimit të simptomave.
Organizata Botërore e Shëndetësisë dhe mjekët në Kongo thanë se koha midis shfaqjes së simptomave dhe vdekjes ishte vetëm 48 orë në shumicën e rasteve. OBSH e përshkruan këtë përhapje si një “kërcënim të rëndësishëm për shëndetin publik”.
Zyrtarët besojnë se përhapja filloi më 21 janar dhe 419 raste janë regjistruar që nga e hëna, duke përfshirë 53 vdekje.
Sipas zyrës së OBSH-së në Afrikë, rastet e para filluan në qytetin Boloko pasi tre fëmijë thuhet se konsumuan një lakuriq të ngordhur.
Ata vdiqën 48 orë pasi shfaqën simptoma të etheve hemorragjike, gjakderdhje, dhimbje koke, dhimbje kyçesh dhe simptoma të tjera.
“Kjo është vërtet shqetësuese”, i tha Associated Press Serge Ngalebato, drejtor mjekësor i Spitalit Bikoro në DRC, duke iu referuar se sa shpejt humbën jetën viktimat.
Lajmi vjen pasi mjekët paralajmëruan spastrimin e Qendrës së kontrollit të sëmundjeve të Presidentit Donald Trump dhe ndalimin e komunikimit me OBSH-në.
Zyrtarët e OBSH-së paralajmëruan gjithashtu se numri i shpërthimeve nga sëmundjet që vijnë nga kafshët te njerëzit është rritur me më shumë se 60 % në Afrikë në dekadën e fundit.
Zyrtarët nuk spekuluan se cila mund të jetë sëmundja misterioze.
Megjithatë, pasi filloi përhapja e dytë e sëmundjes misterioze në qytetin e Bomate më 9 shkurt, zyrtarët dërguan mostra nga 13 raste për testim.
Të gjitha mostrat kanë qenë negative për Ebolën dhe sëmundje të tjera hemorragjike si Marburg, megjithëse disa mostra ishin pozitive për malarien.
Sëmundja ka një shkallë vdekjeprurëse prej 12.3 %, sipas zyrës së OBSH-së në Afrikë, e cila është rreth 10 herë më e lartë se kur Covid filloi të përhapet për herë të parë./tch/
