Për shkak të një pranie bakteresh dhe elementësh të papërshtatshëm, ministria e Shëndetësisë në Itali, ka urdhëruar tërheqjen nga tregu të një sasie të konsiderueshme shishesh me ujë mineral San Beneddetto, për shkak se cilësohet i ndotur.
Bëhet fjalë për ambalazhin me numër 23LB8137E , të markës “San Benedetto” – Fonte Primavera, i formatit 0.5 litër me datë kadence 16/11/2019.
Ministria e Shëndetësisë e shtetit fqinj, në një njoftim të publikuar në fund të muajit qershor, për shkak të elementëve të papërshtatshëm të konstatuar në ujë, pas analizave të kryera në disa shishe, konstatoi se niveli i ndotjes e ka kaluar normën.
Shoqëria prodhuese, mori masa për tërheqjen nga tregu të të gjitha shisheve të ujit aq të përdorur edhe në Shqipëri, të serisë së vënë nën akuzë.
Ndërkohë kompania prodhuese në një komunikatë zyrtare, garanton pastërtinë absolute për të gjithë produktet e tjerë, përveç atyre të dëmtuar.
Po ashtu thuhet se po bashkëpunon me autoritetet kompetente për zgjidhjen e shkaqeve të kësaj problematike.
