Adri Nurellari këshilltari i Presidentit Thaci i ka dalë në mbrotje ministrit të ri të jashtëm Genti Caka. Përmes një postimi në rrjetin social ai e ka përcaktuar atë si eruditin që meriton besimin e dhënë nga kryeministri Rama, raporton Opinion. Duket se Kosova është dhe sebepi i miqësisë së tyre, pa llogaritur dhe faktin që Nurellari ka qenë për një kohë të gjatë këshilltar i presidentit Thaçi.
“Përtej paragjykimeve apo sulmeve të natyrshme partiake, unë jam
i bindur që Genti shumë shpejt ka për ta dëshmuar veten si profesionist
patriot i përkushtuar dhe me rezultate të prekshme për vendin”,-
citohet nga komenti i Nurellarit në Facebook. Kryeministri Edi Rama, dy
ditë më parë, shkarkoi plot 7 ministra nga kabineti i tij pa asnjë
motivacion, thjesht shprehu keqardhje që duhet të ikin teksa i lavdëroi
për punën që kryen në këto vite.
Për të gjitha ndryshimet mund të flitet pafund, por ajo që ka
krijuar më shumë paqartësi dhe dyshime në publik ishte emërtimi i Gent
Cakaj në vendin e Ditmir Bushatit. Përtej rëndësisë që ka përfaqësimi
ndërkombëtar i Shqipërisë, negociatat mes Serbisë dhe Kosovës e bëjnë
dhe më delikat pozicionin e diplomacisë shqiptare në arenën
ndërkombëtare. Gent Cakaj u emërua në korrik të këtij viti
Kryenegociator i çeljes së negociatave të Shqipërisë me Bashkimin
Evropian për anëtarësim, ndërsa më parë ka qenë këshilltar i
kryeministrit për politikën e Jashme.
Gafa dhe një anglishte të pakuptueshme ishte i vetmi informacion
që qarkulloi për të në internet, ndërkohë që një jetëshkrim i tij
mungonte dhe në faqen zyrtare te Ministrisë së jashtme ku ai mbante
detyrën e zëvendësministrit. Gjithsesi ditët dhe javët në vazhdim do të
jenë ato që do t’i japin publikut një panoramë më të saktë të ministrit
të ri të Jashtëm, thuajse i panjohur dhe vetëm 28 vjeç.
