Babai i jep mbrapsht makinës dhe shtyp djalin e tij një vjeç e gjysmë: Po shkonte të kapte topin..

1489
0

Djali i vogël ka ndërruar jetë pas dy ditësh agonie. Prindi është nën hetim për vrasje nga pakujdesia

Në Dosson, një fshat në komunën e Casier, në provincën e Trevisos, një burrë, Olaf Vidali, goditi djalin e tij një vjeç e gjysmë, Matteo, ndërsa ai po shkonte mbrapsht me makinën e tij.

Fëmija, i cili ka qenë duke luajtur në momentin e aksidentit, ka ndërruar jetë pas dy ditësh agonie. Lajmin e raporton Il Gazzettino. Babai është nën hetim për vrasje.

Ngjarja ka ndodhur të dielën e 14 prillit. Babai i fëmijës po lëvizte makinën dhe për ta bërë këtë, kreu një manovër mbrapsht. Fëmija ishte pas makinës dhe u godit. Fëmija u dërgua menjëherë nga prindërit e tij në urgjencën e Ca’ Foncello në Treviso. Por pas dy ditësh qëndrimi në spital, ai vdiq.

Policia po heton rastin. Në trupin e fëmijës do të bëhet autopsi.

Gjyshi: “Ai po përpiqej të kapte topin”

“E kujtoj ende para syve të mi dhe shpresoj që tani ai është me të vërtetë në parajsë. Një engjëll, ai ishte vërtet një engjëll. Ai po luante në oborr, vrapoi pas topit që kishte shkuar poshtë makinës dhe u përpoq të kapte, është tragjedi”, tha gjyshi.