Gazetari i njohur i televizionit “Top Channel”, Flavio Qarri, ishte i ftuar në emisionin ‘Një kat më lart’, ku ndër të tjera rrëfeu edhe historinë e tij të arrestimit, për të cilën shpjegoi se nuk ishte fajtor, megjithatë nuk kishte asgjë në dorë për të vërtetuar të drejtën e tij.
Flavio tregon se ishte akuzuar për vjedhjen e një banke dhe për këtë në orën 5 të mëngjesit e kanë marrë tre autoblinda.
“Shkoj të tërheq lekë, dalin 20 mijë lekë pasi unë i kisha kryer veprimet e regjistrimit dhe unë i bindur që ishin paratë e mia, i tërheq dhe vazhdoj jetën time. Pas 6 muajsh më thonë që dëgjo se ato nuk kanë qenë lekët e tua. Bie menjëherë dakort ti kthej ato para dhe i kam kthyer ato para para se të më shfaqeshin problemet ligjore. Thjesht kjo banka në bashkëpunim me këtë Prokurorin e çuditshëm vendosën që banka të mos pranonte që kishte qenë faji i bankomatit.
I pyetur nga moderatori nëse për shkak të arrestimit humbi punën e tij, gazetari pranoi se kjo ishte një nga arsyet kryesore.
“E di çfarë më trishtoi pafund? Unë isha me shumë miq, me shumë të ardhura, person publik e të gjitha këto, dhe nuk kisha më asgjë në dorë për të vërtetuar të drejtën time dhe për të mbrojtur veten dhe familjen time.”- ka rrëfyer Flavio./xing.al/
